July 16, 2020
July 16, 2020
മസ്കത്ത് : ഒമാനിൽ ഇന്ന് 1327 പേർക്ക് കൂടി പുതുതായി കോവിഡ് സ്ഥിരീകരിച്ചതോടെ കോവിഡ് ബാധിതരുടെ എണ്ണം 62,574 ആയി. കോവിഡ് ചികിത്സയിലായിരുന്ന ഒൻപത് പേരാണ് മരണപ്പെട്ടത്. ഇതോടെ മരണ സംഖ്യ 290 ആയി. 1,052 പേരാണ് പുതുതായി രോഗമുക്തി നേടിയത്.ഇതോടെ സുഖം പ്രാപിച്ചവരുടെ എണ്ണം 40090 ആയി.
ഇന്ന് കോവിഡ് പോസിറ്റീവായവരിൽ 1,008 പേരും സ്വദേശികളാണ്. 319 പ്രവാസികൾക്കും ഇന്ന് വൈറസ് ബാധ സ്ഥിരീകരിച്ചു.
കഴിഞ്ഞ 24 മണിക്കൂറിനിടെ 4,704 പേർക്കാണ് കോവിഡ് പരിശോധന നടത്തിയത്. ഒമാനിൽ ഇതുവരെ 2,58,148 പേർക്കാണ് കോവിഡ് പരിശോധനകൾ നടത്തിയിട്ടുള്ളത്.
പുതിയതായി 85 പേരെ കൂടി ആശുപത്രിയിൽ പ്രവേശിപ്പിച്ചതോടെ രാജ്യത്ത് ചികിത്സയിൽ കഴിയുന്ന കോവിഡ് രോഗികളുടെ എണ്ണം 549 ആയി. ഇതിൽ 149 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക