July 13, 2020
July 13, 2020
മസ്കത്ത്: ഒമാനില് കോവിഡ് ബാധിതരുടെ എണ്ണത്തില് തിങ്കളാഴ്ച റെക്കോര്ഡ് വർധന രേഖപ്പെടുത്തി. 2164 പേര്ക്കാണ് പുതുതായി രോഗം സ്ഥിരീകരിച്ചത്. ഇതോടെ രാജ്യത്തെ മൊത്തം രോഗ ബാധിതര് 58179 ആയി. 6173 പരിശോധനകളിൽ നിന്നാണ് ഇത്രയധികം പേർക്ക് രോഗം സ്ഥിരീകരിച്ചത്.
പുതിയ രോഗികളില് 1572 പേരും സ്വദേശികളാണ്. 592 വിദേശികൾക്കും രോഗം സ്ഥിരീകരിച്ചു.1159 പേര്ക്ക് കൂടി രോഗം ഭേദമായി. ഇതോടെ രോഗമുക്തരായവരുടെ എണ്ണം 37257 ആയി. രണ്ടുപേര് പേര് കൂടി മരണപ്പെട്ടതോടെ മരണസംഖ്യ 259 ആയി ഉയര്ന്നു. 67 പേരെ കൂടി ആശുപത്രിയിൽ പ്രവേശിപ്പിച്ചു. 519 പേരാണ് ഇപ്പോൾ ആശുപത്രികളിൽ ചികിത്സയിലുള്ളത്. ഇതിൽ 146 പേർ തീവ്ര പരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക