July 10, 2020
July 10, 2020
മസ്കത്ത് : ഒമാനിൽ ഇന്ന് 1,889 പേർക്ക് കൂടി ഇന്ന് കോവിഡ് സ്ഥിരീകരിച്ചതോടെ രാജ്യത്തെ ആകെ വൈറസ് ബാധിതരുടെ എണ്ണം 53,614 ആയി.
പുതുതായി കോവിഡ് സ്ഥിരീകരിച്ചവരിൽ 1,268 പേർ സ്വദേശികളും 621 പേർ വിദേശികളുമാണ്. 24 മണിക്കൂറിനിടെ 12,04 പേർക്ക് കൂടി കോവിഡ് ഭേദമായതോടെ രാജ്യത്ത് കോവിഡിനെ അതിജീവിച്ചവരുടെ എണ്ണം 34,225 ആയി.
രോഗബാധിതരായ എട്ടു പേർ കൂടി ഇന്ന് മരണപ്പെട്ടതോടെ രാജ്യത്തെ ആകെ കോവിഡ് മരണസംഖ്യ 244 ആയി.കഴിഞ്ഞ 24 മണിക്കൂറിനിടെ 4,574 പേർക്കാണ് കോവിഡ് പരിശോധന നടത്തിയത്.
പുതിയതായി 74 പേരെ കൂടി ആശുപത്രിയിൽ പ്രവേശിപ്പിച്ചതോടെ രാജ്യത്ത് ചികിത്സയിൽ തുടരുന്ന കോവിഡ് രോഗികളുടെ എണ്ണം 501 ആയി. ഇതിൽ 130 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക