May 16, 2020
May 16, 2020
മസ്കത്ത് : ഒമാനിൽ ശനിയാഴ്ച 404 പേർക്ക് പുതുതായി കോവിഡ് സ്ഥിരീകരിച്ചു. ഇവരിൽ 67 പേർ ഒമാനികളും 337 പേർ വിദേശികളുമാണ്. ഇതോടെ രാജ്യത്തെ ആകെ വൈറസ് ബാധിതരുടെ എണ്ണം 5, 000 കടന്നു. നിലവിൽ 5,029 പേർക്കാണ് കോവിഡ് ബാധയുണ്ടായിട്ടുള്ളത്. ഇതിൽ 1,436 പേർക്ക് രോഗം ഭേദമാകുകയും 20 പേർ മരണപ്പെടുകയും ചെയ്തു.
ഇതിനിടെ,കോവിഡ് വൈറസ് വ്യാപനത്തിന്റെ പശ്ചാത്തലത്തിൽ ഈ വർഷത്തെ ഈദ് അൽ ഫിത്തർ ഹബ്ത മാർക്കറ്റ് ഒഴിവാക്കി. സൊഹാർ മുനിസിപ്പാലിറ്റി അധികൃതരാണ് ഇക്കാര്യം അറിയിച്ചത്. വൈറസ് പ്രതിരോധ പ്രവർത്തനങ്ങളുടെ ഭാഗമായി ആളുകൾ സംഘം ചേരുന്നതിന് കർശനമായ വിലക്കുകളാണ് ഒമാനിൽ നിലനിൽക്കുന്നത്. ഈ സാഹചര്യത്തിലാണ് ഹബ്ത മാർക്കറ്റ് ഒഴിവാക്കാൻ തീരുമാനിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക