November 15, 2020
November 15, 2020
മസ്കത്ത്: ഒമാനിൽ പുതിയ വിസകള് അനുവദിക്കുന്ന കാര്യത്തിൽ ഉടൻ തീരുമാനമുണ്ടായേക്കുമെന്ന് സൂചന. ഇതേകുറിച്ച് പഠിക്കാൻ സുപ്രീം കമ്മിറ്റി പ്രത്യേക കമ്മിറ്റിയെ ചുമതലപ്പെടുത്തിയതായി ആരോഗ്യ മന്ത്രി അറിയിച്ചു.സുപ്രീം കമ്മിറ്റിയിലെ വിവിധ വിഭാഗങ്ങളിൽ നിന്നുള്ള പ്രതിനിധികളെ ഉള്പ്പെടുത്തിയാണ് ഇതുസംബന്ധിച്ച പഠനത്തിനുള്ള സാങ്കേതിക കമ്മിറ്റിക്ക് രൂപം നല്കിയത്. റോയല് ഒമാന് പൊലീസുമായും ഈ വിഷയത്തില് കൂടിയാലോചനകള് നടക്കുന്നുണ്ടെന്ന് ആരോഗ്യ മന്ത്രി വ്യാഴാഴ്ച നടന്ന വാര്ത്തസമ്മേളനത്തില് അറിയിച്ചിരുന്നു. ഉയര്ന്ന കോവിഡ് വ്യാപനം കണക്കിലെടുത്ത് പുതിയ വിസകള് ഒാണ്ലൈനായും സര്വിസ് സെന്ററുകള് വഴിയും അനുവദിക്കുന്നത് നിര്ത്തിവെച്ചിരിക്കുകയായിരുന്നു.
കഴിഞ്ഞ ദിവസം മുതല് എക്സ്പ്രസ്, ഫാമിലി വിസിറ്റിങ് വിസകള്ക്ക് അപേക്ഷ സ്വീകരിച്ച് തുടങ്ങിയിട്ടുണ്ട്.വൈകാതെ പുതിയ തൊഴില് വിസകള് അനുവദിക്കുന്നതിന് ഒപ്പം ടൂറിസ്റ്റ് വിസകളും അനുവദിക്കാനുള്ള തീരുമാനം ഒമാന് കൈക്കൊള്ളുമെന്നാണ് പ്രതീക്ഷ.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.