July 21, 2020
July 21, 2020
മസ്കത്ത് : ഒമാനില് ആരോഗ്യ പ്രവര്ത്തകര്ക്കിടയില് കോവിഡ് ബാധ വര്ധിക്കുന്നതായി ആരോഗ്യ മന്ത്രാലയം അറിയിച്ചു. ഇതിനോടകം ആരോഗ്യ മേഖലയിലെ 600ല് പരം ജീവനക്കാര്ക്കാണ് കോവിഡ് സ്ഥിരീകരിച്ചത്.ഇവരില് ഭൂരിപക്ഷം പേര്ക്കും രോഗികളെ ശുശ്രൂഷിച്ചതിലൂടെയല്ല മറിച്ച് സമൂഹ വ്യാപനത്തിലൂടെയാണ് വൈറസ് ബാധയേറ്റതെന്നും ആരോഗ്യ മന്ത്രാലയം അണ്ടര് സെക്രട്ടറി ഡോ. മുഹമ്മദ് ബിന് സൈഫ് അല് ഹുസ്നി പ്രാദേശിക റേഡിയോ ചാനലിന് നല്കിയ അഭിമുഖത്തില് വ്യക്തമാക്കി. പ്രതിരോധ നടപടികള് കൈക്കൊള്ളുന്നതിലെ അലംഭാവമാണ് സ്വദേശി കുടുംബങ്ങളില് കോവിഡ് വ്യാപനം കുത്തനെ ഉയരുന്നതിനുള്ള പ്രധാന കാരണം. സമൂഹ വ്യാപനം കാരണമാണ് ഇത് സംഭവിക്കുന്നതെന്നും മന്ത്രാലയം അണ്ടര് സെക്രട്ടറി പറഞ്ഞു.
രാജ്യത്ത് 4000 മുതല് 6000 വരെ കോവിഡ് പരിശോധനകളാണ് ഓരോ ദിവസവും നടക്കുന്നത്. ചെറിയ പെരുന്നാളിന് ശേഷമാണ് സ്വദേശികളില് കൂടുതല് കോവിഡ് ബാധ കണ്ടെത്തിയത്. പെരുന്നാള് ദിനത്തിലെ വലിയ തോതില് ഒത്തുചേരലുകള് ഇതിന് കാരണമായെന്നും ആരോഗ്യ മന്ത്രാലയം അണ്ടര് സെക്രട്ടറി പറഞ്ഞു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക