July 22, 2020
July 22, 2020
മസ്കത്ത് : ഒമാനിൽ പുതിയ കോവിഡ് രോഗികളുടെ എണ്ണവും മരണനിരക്കും ഉയരുന്നു.കഴിഞ്ഞ 24 മണിക്കൂറിനിടെ 12 പേർ കൂടി മരിച്ചതോടെ മരണ സംഖ്യ 349 ആയി.1660 പേർക്കാണ് പുതുതായി രോഗം സ്ഥിരീകരിച്ചത്. ഇതോടെ കോവിഡ് വൈറസ് ബാധ സ്ഥിരീകരിച്ചവരുടെ എണ്ണം എഴുപതിനായിരം കടന്നു. ഇന്ന് 1,660 പേർക്ക് കൂടി കോവിഡ് സ്ഥിരീകരിച്ചതോടെ ആകെ വൈറസ് ബാധിതരുടെ എണ്ണം 71,547 ആയി.ഇന്ന് കോവിഡ് പോസിറ്റീവായവരിൽ 1,364 പേർ സ്വദേശികളും 296 പേർ വിദേശികളുമാണ്.
24 മണിക്കൂറിനിടെ 1,314 പേർക്ക് കൂടി കോവിഡ് ഭേദമായതോടെ രാജ്യത്ത് കോവിഡിനെ അതിജീവിച്ചവരുടെ എണ്ണം 47,922 ആയി.ഗുരുതര രോഗലക്ഷണങ്ങളുള്ള 76 പേരെ കൂടി ആശുപത്രിയിൽ പ്രവേശിപ്പിച്ചു.നിലവിൽ 577 പേരെയാണ് കോവിഡ് ബാധിതരായി ആശുപത്രിയിൽ പ്രവേശിപ്പിച്ചത്. ഇതിൽ 165 പേർ തീവ്രപരിചരണ വിഭാഗത്തിലാണ്.
കഴിഞ്ഞ 24 മണിക്കൂറിനിടെ 4,798 പേർക്കാണ് കോവിഡ് പരിശോധന നടത്തിയത്. ഇതുവരെ 2,84,244 പേർക്ക് കോവിഡ് പരിശോധനകൾ നടത്തിയിട്ടുണ്ട്.രോഗവ്യാപനം കുറയാത്ത പശ്ചാത്തലത്തിൽ ഈ മാസം 25 മുതൽ ഓഗസ്റ്റ് എട്ട് വരെ രാജ്യത്ത് സമ്പൂർണ ലോക്‌ഡോൺ പ്രഖ്യാപിച്ചിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
