July 18, 2020
July 18, 2020
മസ്കത്ത് : ഒമാനിൽ കോവിഡ് വൈറസ് ബാധ സ്ഥിരീകരിക്കുന്ന സ്വാദേശികളുടെ എണ്ണം കൂടുന്നു. ശനിയാഴ്ച രാജ്യത്ത് പുതുതായി കോവിഡ് സ്ഥിരീകരിച്ച 1311 പേരിൽ 1078 പേരും സ്വദേശികളാണ്. 233 വിദേശികൾക്കാണ് രോഗം സ്ഥിരീകരിച്ചത്. ഇതോടെ ഒമാനിൽ ഇതുവരെ കോവിഡ് സ്ഥിരീകരിച്ചവരുടെ എണ്ണം 65, 504 ആയി.
24 മണിക്കൂറിനിടെ 1, 322 പേർക്ക് കൂടി കോവിഡ് ഭേദമായതോടെ രാജ്യത്ത് കോവിഡിനെ അതിജീവിച്ചവരുടെ എണ്ണം 42,772 ആയി.വൈറസ് ബാധിതരായി 10 പേർ കൂടി ഇന്ന് മരണപ്പെട്ടതോടെ രാജ്യത്തെ ആകെ കോവിഡ് മരണസംഖ്യ 308 ആയി ഉയർന്നു.
കഴിഞ്ഞ 24 മണിക്കൂറിനിടെ 3, 976 പേർക്കാണ് കോവിഡ് പരിശോധന നടത്തിയത്. ഒമാനിൽ ഇതുവരെ 2,66,845 പേർക്കാണ് കോവിഡ് പരിശോധന നടത്തിയത്. പുതിയതായി 79 പേരെ കൂടി ആശുപത്രിയിൽ പ്രവേശിപ്പിച്ചതോടെ ചികിത്സയിൽ തുടരുന്ന കോവിഡ് രോഗികളുടെ എണ്ണം 574 ആയി. ഇതിൽ 164 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക