October 02, 2019
October 02, 2019
മസ്കത്ത് : ചൊവ്വാഴ്ച രാത്രി വാദിയില് കുടുങ്ങിയ സംഘത്തിലെ കാണാതായ സ്ത്രീയെ മരിച്ച നിലയിൽ കണ്ടെത്തി.വിലായത്ത് ഇസ്കിയിലെ വാദിയിലാണു സ്ത്രീയുടെ മൃതദേഹം കണ്ടെടുത്തത്.
റോയല് ഒമാന് പൊലീസാണു മരണം സ്ഥിരീകരിച്ചത്. ചൊവ്വാഴ്ച രാത്രിയാണ് അൽ ദഖിലിയ ഗവർണറേറ്റിലെ വാദി ശാബിക്കില് മൂന്ന് യാത്രക്കാർ സഞ്ചരിച്ചിരുന്ന വാഹനം വാദിയിലേക്ക് മറിഞ്ഞത്. പോലീസും നാട്ടുകാരും നടത്തിയ തെരച്ചിലിന് ഒടുവിൽ ഇവരിൽ രണ്ടു പേരെ പിന്നീട് രക്ഷപ്പെടുത്തിയിരുന്നു.കാണാതായ സ്ത്രീയെ കുറിച്ച് വിവരമൊന്നും ലഭിച്ചിരുന്നില്ല. ഇതിനിടയിലാണ് പബ്ലിക് അതോറിറ്റി ഫോര് സിവില് ഡിഫന്സ് ആന്ഡ് ആംബുലന്സിന്റെ ജലരക്ഷാ സംഘം ഇവരെ മരിച്ച നിലയില് കണ്ടെത്തിയത്.
സ്ത്രീയുടെ മൃതദേഹം നിസ്വ ആശുപത്രിയിലേക്ക് മാറ്റിയിട്ടുണ്ട്. മൃതദേഹം ബന്ധുക്കള്ക്കു കൈമാറാനുള്ള നടപടിക്രമങ്ങള് പുരോഗമിക്കുകയാണെന്ന് ഒമാൻ റോയൽ പൊലീസ് പ്രസ്താവനയില് അറിയിച്ചു.