September 20, 2019
September 20, 2019
മസ്കത്ത് : ബാങ്ക് ജീവനക്കാരെന്ന വ്യാജേന ഫോണില് വിളിച്ച് പണം കവര്ന്ന കേസുകളില് പ്രതികളായ ഏഴു ഏഷ്യന് വംശജരെ അറസ്റ്റ് ചെയ്തതായി റോയല് ഒമാന് പൊലീസ് അറിയിച്ചു. ക്രെഡിറ്റ് കാര്ഡ് വിവരം പുതുക്കി നല്കാനെന്ന വ്യാജേന ബാങ്ക് ഉപഭോക്താക്കള്ക്ക് എസ്.എം.എസ് അയക്കുകയാണ് പ്രതികള് ആദ്യം ചെയ്യുക. അക്കൗണ്ട് വിവരങ്ങള് ശേഖരിച്ച ശേഷം പണം പിന്വലിക്കുകയും ചെയ്യും. സ്വദേശികളുടെയും വിദേശികളുടെയും അക്കൗണ്ടില്നിന്ന് പണം ഇത്തരത്തില് നഷ്ടപ്പെട്ടിട്ടുണ്ട്. നിരവധി മൊബൈല് ഫോണുകള് ഉപയോഗിച്ചാണ് തട്ടിപ്പ് നടത്തിയിരുന്നത്. സന്ദേശങ്ങള് പിന്തുടര്ന്ന് പ്രതികളെ കണ്ടെത്തുന്ന സാഹചര്യം ഒഴിവാക്കാനാണ് ഇവര് ഇങ്ങനെ ചെയ്തതെന്ന് ആര്.ഒ.പി പ്രസ്താവനയില് അറിയിച്ചു. നിരവധി സിം കാര്ഡുകളും ഇവരില്നിന്ന് കണ്ടെടുത്തു.