November 10, 2019
November 10, 2019
മസ്കത്ത് : മോശം കാലാവസ്ഥയെ തുടർന്ന് ഒമാനിലെ വിദ്യാഭ്യാസ സ്ഥാപനങ്ങൾക്ക് നാളെ അവധി നൽകിയിട്ടില്ലെന്ന് വിദ്യാഭ്യാസ മന്ത്രാലയം അറിയിച്ചു. ശക്തമായ കാറ്റും മഴയും തുടരുന്നതിനാൽ രാജ്യത്തെ മുഴുവൻ വിദ്യാഭ്യാസ സ്ഥാപനങ്ങൾക്കും നാളെ(നവംബർ 11) അവധി നൽകിയെന്ന തരത്തിൽ പ്രചരിക്കുന്ന വാർത്തകൾ വിദ്യാഭ്യാസ മന്ത്രാലയം നിഷേധിച്ചു. അതേസമയം,സൊഹാർ യൂണിവേഴ്‌സിറ്റി നാളെ പ്രവർത്തിക്കില്ലെന്ന് യൂണിവേഴ്‌സിറ്റി അധികൃതർ വാർത്താകുറിപ്പിൽ അറിയിച്ചിട്ടുണ്ട്. വിദ്യാർത്ഥികളുടെയും ജീവനക്കാരുടെയും സുരക്ഷയ്ക്കാണ് ഉയർന്ന പരിഗണന നൽകുന്നതെന്നും 12 ന് ചൊവ്വാഴ്ച യൂണിവേഴ്‌സിറ്റി സാധാരണ നിലയിൽ പ്രവർത്തിക്കുമെന്നും അറിയിപ്പിൽ വ്യക്തമാക്കി.
കഴിഞ്ഞ ഏതാനും ദിവസങ്ങളായി ഒമാനിലെ വിവിധ ഭാഗങ്ങളിൽ ശക്തമായ കാറ്റും മഴയും അനുഭവപ്പെടുന്നുണ്ട്.
