October 03, 2019
October 03, 2019
മസ്കത്ത് : മസ്കത്തിലെ ദോഫാറില് ഈ വര്ഷം ഇതുവരെ രണ്ട് എച്ച്1 എന്1 മരണങ്ങളാണ് റിപ്പോര്ട്ട് ചെയ്തതെന്ന് ഒമാന് ആരോഗ്യ മന്ത്രാലയം അറിയിച്ചു. ദോഫാറിലെ സുല്ത്താന് ഖാബൂസ് ആശുപത്രിയില് എച്ച്1 എന്1 പകര്ച്ചവ്യാധി പടരുന്നതായുള്ള അഭ്യൂഹങ്ങളോട് പ്രതികരിക്കുകയായിരുന്നു മന്ത്രാലയം.
ജനുവരി മുതല് സെപ്റ്റംബര് വരെയുള്ള കണക്കാണ് മന്ത്രാലയം പുറത്തുവിട്ടത്. ദോഫാറിലെ ഹെല്ത്ത് സര്വീസസ് ഡയരക്ടറേറ്റ് ജനറലിന്റെ വാര്ത്താകുറിപ്പ് പ്രകാരം ഇതിനകം 78 പേരിലാണ് എച്ച്1 എന്1 ബാധ സ്ഥിരീകരിച്ചത്. ഇതില് രണ്ടുപേര് മാത്രമാണു മരിച്ചത്. ഒരാള് ജൂലൈയിലും രണ്ടാമത്തെയാള് ഓഗസ്റ്റിലും മരിച്ചു.
എന്നാല്, ആശുപത്രിയില് നിന്ന് മറ്റുള്ളവർക്ക് രോഗം പകരുന്നതായുള്ള പ്രചാരണങ്ങൾ അധികൃതര് തള്ളിക്കളഞ്ഞു. എല്ലാവരും രോഗബാധിതരായി ആശുപത്രിയില് ചികിത്സ തേടിയവരാണെന്നും ആശുപത്രിയില് വച്ച് എച്ച്1 എന്1 ബാധിച്ചവരായി ആരുമില്ലെന്നും വാര്ത്താകുറിപ്പില് പറയുന്നു. രാജ്യാന്തര നടപടിക്രമങ്ങള്ക്കനുസരിച്ചുള്ള എല്ലാവിധ പ്രതിരോധ, ചികിത്സാ നടപടികളും കൈക്കൊണ്ടിട്ടുണ്ടെന്നും ആരോഗ്യ മന്ത്രാലയം വ്യക്തമാക്കി.