October 24, 2019
October 24, 2019
ദോഹ : 2022 ലോകകപ്പ് ടൂർണമെന്റിനോടനുബന്ധിച്ച് ദോഹയിലെ പഴയ ദോഹ രാജ്യാന്തര വിമാനത്താവളം വീണ്ടും തുറക്കുന്നു.ഫിഫ ലോകകപ്പിന് 4 ആഴ്ച മുമ്പ് വിമാനത്താവളം തുറക്കാൻ കഴിയുന്ന വിധത്തിൽ പ്രവർത്തന സജ്ജമാക്കാനാണ് തീരുമാനം. ടൂർണമെന്റിനെത്തുന്ന യാത്രക്കാരുടെ ആധിക്യം കണക്കിലെടുത്താണ് തീരുമാനം.
സിറ്റി സ്കേപ്പ് ഖത്തർ പ്രദർശനത്തിന്റെ ഭാഗമായി ഹമദ് രാജ്യാന്തര വിമാനത്താവളവും ഖത്തർ എയർവേയ്സും സംയുക്തമായി നടത്തിയ വാർത്താ സമ്മേളനത്തിലാണ് ഇക്കാര്യം അറിയിച്ചത്.2014 ൽ ഹമദ് രാജ്യാന്തര വിമാനത്താവളം തുറന്നതോടെയാണ് ദോഹ രാജ്യാന്തര വിമാനത്താവളത്തിന്റെ പ്രവർത്തനം അവസാനിപ്പിച്ചത്.നിലവിൽ സൈനിക, റോയൽ, ചാർട്ടേഡ്വി മാനങ്ങളുടെ പ്രവർത്തനമാണ് ദോഹ വിമാനത്താവളത്തിൽ നടക്കുന്നത്. സൈനിക വിമാനങ്ങളുടെ വികസനം ലക്ഷ്യമിട്ട് വിമാനത്താവളത്തിന്റെ റൺവേയുടെ കിഴക്ക് ഭാഗം സൈനിക വിഭാഗം ഉപയോഗിച്ച് വരികയാണ്.ഫിഫ ലോകകപ്പിലേക്ക് 10 ലക്ഷത്തിലേറെ ഫുടബോൾ ആരാധകരെയാണ് ഖത്തർ പ്രതീക്ഷിക്കുന്നത്.