March 01, 2021
March 01, 2021
ദോഹ: കൊറോണ വൈറസ് ബാധിച്ചവരാണെങ്കില് പോലും കൊവിഡ്-19 പ്രതിരോധ വാക്സിന് സ്വീകരിക്കുന്നതില് അപകടമില്ലെന്ന് ഹമദ് മെഡിക്കല് കോര്പ്പറേഷനിലെ (എച്ച്.എം.സി) കമ്യൂണിക്കബ്ള് ഡിസീസ് സെന്റര് മെഡിക്കല് ഡയറക്ടര് ഡോ. മുന അല് മസ്ലമണി. വാക്സിന് സ്വീകരിച്ചു കഴിഞ്ഞ ശേഷവും കൊവിഡ്-19 പ്രതിരോധ മുന്കരുതല് നടപടികള് പാലിക്കേണ്ടതിന്റെ ആവശ്യകതയെ കുറിച്ചും എച്ച്.എം.സി പുറത്തിറക്കിയ വീഡിയോയില് ഡോ. മുന വിശദീകരിച്ചു.
'വാക്സിന് സ്വീകരിച്ച ശേഷം-പ്രത്യേകിച്ച് ആദ്യ ഡോസ് സ്വീകരിച്ച ശേഷം നിങ്ങള്ക്ക് കൊവിഡ്-19 രോഗം പിടിപെടാം. കാരണം വാക്സിന്റെ രണ്ടാം ഡോസ് സ്വീകരിച്ച് രണ്ടാഴ്ച കഴിഞ്ഞാണ് ശരീരത്തില് ആവശ്യമായ അളവില് ആന്റിബോഡികള് ഉല്പ്പാദിപ്പിക്കപ്പെടുകയുള്ളൂ.' -ഡോ. മുന പറഞ്ഞു.
ആദ്യ ഡോസ് വാക്സിന് സ്വീകരിച്ച് കഴിഞ്ഞാല് 50 ശതമാനം സുരക്ഷയും രണ്ടാമത്തെ ഡോസ് കൂടെ സ്വീകരിച്ച് കഴിഞ്ഞാല് 95 ശതമാനം സുരക്ഷയുമാണ് വാക്സിന് ഉറപ്പുവരുത്തുകയെന്നും അവര് കൂട്ടിച്ചേര്ത്തു.
വാക്സിനുകള് രോഗത്തില് നിന്നാണ് സംരക്ഷിക്കുന്നത്. വൈറസ് ബാധയില് നിന്നല്ല. അതായത് വാക്സിനേഷന് വൈറസ് ബാധയെ തടയില്ല. എന്നാല് വാക്സിന് സ്വീകരിച്ച രോഗിക്ക് വാക്സിന് സ്വീകരിക്കാത്ത രോഗിയെക്കാള് നേരിയ രോഗലക്ഷണങ്ങള് മാത്രമേ ഉണ്ടാകൂവെന്നും അവര് പറഞ്ഞു.
'വൈറസ് ബാധിച്ചതിനെ തുടര്ന്ന് ആശുപത്രികളില് പ്രവേശിപ്പിക്കപ്പെടുന്നവരുടെ എണ്ണം കുറയ്ക്കാന് വാക്സിനേഷന് സഹായിക്കുന്നുണ്ട്. വാക്സിനുകളുടെ ഫലപ്രാപ്തി 100 ശതമാനം അല്ലെന്ന കാര്യം മറക്കരുത്. എല്ലാവരരും ആവശ്യമായ പ്രതിരോധ മുന്കരുതലുകളെടുക്കുന്നത് തുടരണം.' -ഡോ. മുന ഓര്മ്മിപ്പിച്ചു.
വീഡിയോ കാണാം:
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.