March 22, 2020
March 22, 2020
ദോഹ : ഗൾഫ് രാജ്യങ്ങളിൽ നിന്ന് ഉൾപെടെ ഇന്ത്യയിലേക്കുള്ള എല്ലാ രാജ്യാന്തര വിമാനസർവീസുകളും നിർത്തലാക്കി.. ഇന്നലെ വൈകീട്ട് 7.30 നുള്ള ഖത്തർ എയർവേയ്‌സ് വിമാനത്തിൽ പരമാവധി യാത്രക്കാർ ഖത്തറിൽ നിന്നും ഇന്ത്യയിലേക്ക് തിരിച്ചു. മസ്കത്ത് വഴിയുള്ള ഒമാൻ എയർ വിമാനത്തിലും ഖത്തറിൽ നിന്നുള്ള നിരവധി മലയാളികൾ നാട്ടിലേക്ക് മടങ്ങി.
നിലവിൽ ഇന്ത്യയിൽ നിന്ന് ഖത്തർ ഉൾപ്പെടെയുള്ള മിക്ക ഗൾഫ് രാജ്യങ്ങളിലേക്കും പ്രവേശന വിലക്ക് ഏർപ്പെടുത്തിയിരുന്നു. എന്നാൽ സർവീസുകൾ പരിമിതമാണെങ്കിലും നാട്ടിലെത്താൻ സൗകര്യമുണ്ടയിരുന്നു.ഇതാണ് ഇന്നലെ അർദ്ധ രാത്രിയോടെ അവസാനിച്ചത്. നിലവിൽ ഒരാഴ്ചത്തേക്കാണ് ഇന്ത്യയിൽ രാജ്യാന്തര സർവീസുകൾക്ക് വിലക്കുള്ളതെങ്കിലും കോവിഡ് വ്യാപനം ഇനിയും രൂക്ഷമാവുകയാണെങ്കിൽ നാട്ടിലേക്കുള്ള യാത്ര വൈകുമെന്ന ആശങ്കയിലാണ് പ്രവാസികൾ.
നിലവിൽ നാട്ടിലേക്ക് മടങ്ങാൻ ടിക്കറ്റെടുത്തവർ തുക തിരികെ കിട്ടാനുള്ള നെട്ടോട്ടത്തിലാണ്.കോവിഡ് വ്യാപവുമുണ്ടാക്കിയ ഭീതി എത്രകാലം നിലനിൽക്കുമെന്ന് അറിയാത്തതിനാൽ എപ്പോൾ നാട്ടിലേക്ക് പോകാൻ കഴിയുമെന്ന് ആർക്കും ഉറപ്പില്ല. ഇതിനിടെ,യാത്രാ വിലക്ക് നീങ്ങിയാലും ജോലി ചെയ്യുന്ന സ്ഥാപനങ്ങളിൽ നിന്ന് വീണ്ടും അവധി അനുവദിച്ചു കിട്ടുമോ എന്ന കാര്യത്തിലും പലർക്കും ആശങ്കയുണ്ട്.അതേസമയം,നാട്ടിലുള്ള പ്രിയപ്പെട്ടവർക്ക് എന്തെങ്കിലും അസുഖങ്ങൾ ഉണ്ടാവുകയോ മരണപ്പെടുകയോ ചെയ്‌താൽ എങ്ങനെ നാട്ടിലെത്തുമെന്ന വേവലാതിയും ചിലർ പങ്കുവെക്കുന്നുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
