June 03, 2020
June 03, 2020
ദോഹ : കോവിഡിന്റെ പശ്ചാത്തലത്തിൽ ഖത്തറിലെ അൽ മീറ ഹൈപ്പർ മാർക്കറ്റ് ശാഖകളിൽ നിയന്ത്രണം ശക്തമാക്കി.പുതിയ നിർദേശമനുസരിച്ച് സ്മാർട്ട് ഫോണുകളിൽ ഇഹ്തിറാസ് ആപ് ഡൗൺലോഡ് ചെയ്ത ശേഷം കോവിഡ് മുക്തനാണെന്ന് തെളിയിക്കുന്ന പച്ച നിറം കാണിക്കുന്ന ഉപയോതാക്കൾക്ക് മാത്രമേ പ്രവേശനം അനുവദിക്കൂ.ഇക്കാര്യം അറിയിച്ചു കൊണ്ടുള്ള പോസ്റ്റർ കമ്പനി ട്വീറ്റ് ചെയ്യുകയായിരുന്നു.
ഖത്തറിൽ സ്വദേശികൾ കൂടുതലായും ആശ്രയിക്കുന്ന ഹൈപ്പർമാർക്കറ്റ് ശാഖകളാണ് അൽമീറ.മലയാളികൾ ഉൾപ്പെടെയുള്ള ഇന്ത്യക്കാരും മറ്റു രാജ്യക്കാരും അൽ മീറയിൽ ധാരാളമായി എത്താറുണ്ട്. കോവിഡ് വ്യാപനത്തെ തുടർന്ന് രാജ്യത്തെ പല ഹൈപ്പർമാർക്കറ്റുകളും ദിവസങ്ങളോളം അടച്ചു പൂട്ടി അണുവിമുക്തമാക്കിയ ശേഷമാണ് തുറന്നു പ്രവർത്തിച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക