April 08, 2021
April 08, 2021
ദോഹ : കോവിഡ് വ്യാപനത്തിന്റെ പശ്ചാത്തലത്തിൽ ഖത്തറിൽ പുതുതായി പ്രഖ്യാപിച്ച നിയന്ത്രണങ്ങൾ നാളെ മുതൽ പ്രാബല്യത്തിൽ വരാനിരിക്കെ വ്യാജവാർത്തകളും പ്രചരിക്കുന്നു. നിയന്ത്രണങ്ങളുടെ ഭാഗമായി വാഹനങ്ങൾക്കുള്ള സാങ്കേതിക പരിശോധന (ഫഹസ്) ഒഴിവാക്കിയെന്ന തരത്തിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് വുഖൂദ് ട്വീറ്റ് ചെയ്തു.ഫഹസ് പരിശോധനാ കേന്ദ്രങ്ങളുമായി ബന്ധപ്പെട്ട വാർത്തകൾക്ക് വുഖൂദിന്റെ ഔദ്യോഗിക വെബ്സൈറ്റിനെയോ ഗതാഗത മന്ത്രാലയത്തെയോ മാത്രം ആശ്രയിക്കണമെന്നും അധികൃതർ ഓർമിപ്പിച്ചു.
ഖത്തറിൽ പുതിയ നിയന്ത്രണങ്ങൾ പ്രഖ്യാപിച്ചു,ഓഫീസുകളിൽ ഹാജർ നില 50 ശതമാനായി കുറക്കാൻ നിർദേശം
2020 ലെ ലോക്ഡൗൺ സമയത്ത് വാഹനങ്ങളുടെ ലൈസൻസ് പുതുക്കുന്നതിനായി ഫഹസ് കേന്ദ്രങ്ങളിൽ നടത്തിയിരുന്ന സാങ്കേതിക പരിശോധനകൾതാത്കാലികമായി നിർത്തിവെച്ചിരുന്നു.പകരം സാങ്കേതിക പരിശോധനകൾ കൂടാതെ തന്നെ ലൈസൻസ് സ്വമേധയാ പുതുക്കി നൽകിയിരുന്നു.ഈ വാർത്തയാണ് ഇപ്പോൾ പുതിയതെന്ന രീതിയിൽ ചിലർ വ്യാപകമായി പ്രചരിപ്പിക്കുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
