January 27, 2021
January 27, 2021
കാഠ്മണ്ഡു: ദ്വിരാഷ്ട്ര ട്വന്റി-20 അന്താരാഷ്ട്ര ക്രിക്കറ്റ് പരമ്പരയ്ക്കായി നേപ്പാള് ടീം ഫെബ്രുവരിയില് ഖത്തറിലെത്തും. ക്രിക്കറ്റ് അസോസിയേഷന് ഓഫ് നേപ്പാള് (സി.എ.എന്) ആണ് ഇക്കാര്യം സ്ഥിരീകരിച്ചത്.
അടുത്തിടെ ചുമതലയേറ്റ പരിശീലകന് ഡേവ് വാട്ട്മോറിന് കീഴിലുള്ള നേപ്പാള് ടീമിന്റെ ആദ്യ അന്താരാഷ്ട്ര പരമ്പരയാണ് ഇത്. ദേശീയ കായികദിനം ആഘോഷിക്കുന്നതിനായി ഖത്തര് ക്രിക്കറ്റ് അസോസിയേഷനാണ് ടി-20 പരമ്പര സംഘടിപ്പിക്കുന്നത്. ഫെബ്രുവരി ഒമ്പത് മുതല് 12 വരെയാണ് പരമ്പര നടക്കുക.
ഐ.സി.സിയുടെ ട്വന്റി-20 അന്താരാഷ്ട്ര റാങ്കിങ്ങില് 2982 പോയിന്റോടെ 22-ാം സ്ഥാനത്താണ് ഖത്തര് ക്രിക്കറ്റ് ടീം. പട്ടികയില് 4148 പോയിന്റോടെ 15-ാം സ്ഥാനത്താണ് നേപ്പാള് ടീം.
ഇന്ത്യക്കാരനായ ധര്മ്മാംഗ് ഹസ്മുഖ് പട്ടേലാണ് ഖത്തര് ടീമിന്റെ ക്യാപ്റ്റന്. ഇന്ത്യയെ കൂടാതെ പാകിസ്താന്, ശ്രീലങ്ക എന്നീ രാജ്യങ്ങളില് നിന്നുള്ള കളിക്കാരും ഖത്തര് ടീമിനായി കളിക്കുന്നുണ്ട്.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.