January 26, 2020
January 26, 2020
ദോഹ : ഖത്തറിൽ പുതുതായി പ്രഖ്യാപിച്ച ദേശീയ മേൽവിലാസ പദ്ധതിക്കായുള്ള രജിസ്ട്രേഷൻ നടപടികൾ നാളെ ആരംഭിക്കും. തിങ്കളാഴ്ച്ച മുതൽ അടുത്ത ആറു മാസത്തിനുള്ളിൽ മേൽവിലാസ നിയമപ്രകാരം നൽകേണ്ട മുഴുവൻ വിവരങ്ങളും രജിസ്റ്റർ ചെയ്യാൻ രാജ്യത്തെ എല്ലാ പൗരന്മാരോടും ആഭ്യന്തര മന്ത്രാലയം ആവശ്യപ്പെട്ടു. 2020 ജൂലായ് 26 ആണ് രജിസ്ട്രേഷൻ നടപടികൾ പൂർത്തിയാക്കുന്നതിനുള്ള അവസാന തിയ്യതിയെന്നും മന്ത്രാലയം സമൂഹ മാധ്യമ അക്കൗണ്ട് വഴി അറിയിച്ചു.
സർവീസ് സെൻററുകൾ വഴി നേരിട്ടോ ആഭ്യന്തര മന്ത്രാലയം ഔദ്യോഗിക വെബ്സൈറ്റ് വഴിയോ മെട്രാഷ് റ്റു ആപ് വഴിയോ രജിസ്ട്രേഷൻ നടപടികൾ പൂർത്തിയാക്കാവുന്നതാണ്.താമസ സ്ഥലത്തെ പൂർണമായ വിലാസം,മൊബൈൽ നമ്പർ,ലാൻഡ്ലൈൻ നമ്പർ,സ്വദേശത്തെ മേൽവിലാസവും മറ്റു വിവരങ്ങളും,തൊഴിലുടമയുടെ വിവരങ്ങൾ,ഇ മെയിൽ എന്നിവയാണ് രജിസ്റ്റർ ചെയ്യേണ്ടത്. കുട്ടികളുടെ വിവരങ്ങൾ രജിസ്റ്റർ ചെയ്യേണ്ടത് രക്ഷിതാക്കളാണ്. ഒരിക്കൽ രജിസ്റ്റർ ചെയ്തിരിക്കുന്ന വിവരങ്ങളിൽ പിന്നീട് മാറ്റം വരുത്താനും കഴിയും. രജിസ്റ്റർ ചെയ്തിരിക്കുന്ന വിവരങ്ങൾ തെറ്റാണെന്ന് തെളിഞ്ഞാൽ പതിനായിരം റിയാൽ വരെ പിഴ നൽകേണ്ടി വരും