July 26, 2020
July 26, 2020
ദോഹ : ഖത്തറിൽ മേൽവിലാസം രജിസ്റ്റർ ചെയ്യാനുള്ള സമയ പരിധി ഇന്നവസാനിക്കും.കോവിഡിനെ തുടർന്ന് അധികമായി അനുവദിച്ച സമയ പരിധിയാണ്ഇ ന്നവസാനിക്കുന്നത്.ഖത്തറിൽ താമസ വിസയുള്ള വ്യക്തികളും സ്ഥാപനങ്ങളും താമസ സ്ഥലത്തെ സംബന്ധിച്ച വിശദവിവരങ്ങൾ ആഭ്യന്തര മന്ത്രാലയത്തിൽ രജിസ്റ്റർ ചെയ്യണമെന്നാണ് നിബന്ധന.പതിനെട്ടു വയസ്സിൽ താഴെയുള്ള കുട്ടികളുടെ വിവരങ്ങൾ രജിസ്റ്റർ ചെയ്യേണ്ടത് രക്ഷിതാക്കളുടെ ഉത്തരവാദിത്തമാണ്.ഖത്തറിലെയും നാട്ടിലെയും ബന്ധപ്പെടാനുള്ള മൊബൈൽ നമ്പറുകൾ ഉൾപ്പെടെയുള്ള പ്രാഥമിക വിവരങ്ങളാണ് നൽകേണ്ടത്.
ഇന്നവസാനിക്കുന്ന സമയ പരിധിക്കുള്ളിൽ രജിസ്റ്റർ ചെയ്യാത്തവരിൽ നിന്ന് പരമാവധി പതിനായിരം റിയാൽ വരെയാണ് ഈടാക്കുക.ഇപ്പോൾ നാട്ടിലുള്ളവർക്ക് ഇളവ് ലഭിക്കും. ഇവർ ഖത്തറിൽ തിരിച്ചെത്തിയ ശേഷം രജിസ്റ്റർ ചെയ്‌താൽ മതിയാവും.ഇതിനുള്ള നടപടിക്രമങ്ങൾ മന്ത്രാലയം പിന്നീട് അറിയിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
