November 12, 2019
November 12, 2019
ദോഹ: ഖത്തറില്‍ ശൈത്യകാലത്തിന്റെ വരവറിയിച്ച് 'നജ്മുല്‍ ഗഫ്‌റി'നു തുടക്കമായി. മാപ്പിന്റെ നക്ഷത്രം എന്നർത്ഥം വരുന്ന ശൈത്യകാലത്തിന് മുന്നോടിയായുള്ള 13 നാളുകളാണ് പ്രാദേശികമായി നജ്മുല്‍ ഗഫ്‌ർ എന്ന പേരില്‍ അറിയപ്പെടുന്നത്.
തിങ്കളാഴ്ച നജ്മുല്‍ ഗഫ്‌റിനു തുടക്കമായതായി കാലാവസ്ഥാ വകുപ്പ് അറിയിച്ചു. ഇതോടെ തണുപ്പുനിറഞ്ഞ രാത്രികള്‍ക്കായിരിക്കും അടുത്ത ദിവസങ്ങളിൽ ഖത്തര്‍ സാക്ഷിയാകുക. ഈ ദിവസങ്ങളില്‍ പകല്‍ സമയങ്ങളില്‍ മിതകാലാവസ്ഥയായിരിക്കും അനുഭവപ്പെടുക. എന്നാല്‍, രാത്രിയാകുന്നതോടെ കടുത്ത തണുപ്പ് അനുഭവപ്പെടും.
ഈ ദിവസങ്ങളില്‍ മഴ പെയ്യാനുമിടയുണ്ട്. ആദ്യമഴയില്‍ മരുപ്രദേശങ്ങളിൽ പ്രാദേശികമായി 'ഫഗ്ഗ' എന്ന പേരില്‍ അറിയപ്പെടുന്ന മരുക്കൂണുകള്‍ മുളക്കുന്നതും പതിവാണ്.
ഖത്തർ-ഗൾഫ് മേഖലയിൽ നിന്നുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സ്ആപ് നമ്പറിലേക്ക് സന്ദേശം അയക്കുക.
