Breaking News
ദുബായില്‍ ഒറ്റത്തവണ ഉപയോഗിക്കാവുന്ന ഉല്‍പ്പന്നങ്ങള്‍ പൂര്‍ണമായും നിരോധിക്കുന്നു | ദോഹ എക്സ്പോ 2023 ന് ഇന്ന് തിരശ്ശീല വീഴും  | അബ്ദുൾനാസർ മഅ്ദനിയുടെ ആരോഗ്യനില ഗുരുതരമെന്ന് റിപ്പോർട്ട്, വെന്റിലേറ്ററിലേക്ക് മാറ്റി | റമദാനിലെ അവസാന 10 ദിവസങ്ങളിൽ തന്നെ ഫിത്വർ സകാത്ത് നൽകിത്തുടങ്ങാമെന്ന് ഖത്തർ മതകാര്യ മന്ത്രാലയം | 'ഐ ലവ് സൗദി അറേബ്യ,' വിരമിക്കുന്നതിനെ കുറിച്ച് ഇപ്പോൾ ചിന്തിക്കുന്നില്ലെന്ന് ലയണൽ മെസ്സി | ഖത്തറിൽ പ്രമുഖ മെഡിക്കൽ സർവീസ് കമ്പനിയിലേക്ക് ഡ്രൈവറെ ആവശ്യമുണ്ട്; ഇപ്പോൾ അപേക്ഷിക്കാം | ഖത്തറിൽ എലൈറ്റ് എക്സിബിഷൻ ആരംഭിച്ചു  | കുവൈത്തിൽ തെരഞ്ഞെടുപ്പ് പരസ്യ ചട്ടങ്ങൾ ലംഘിച്ചാൽ വൻ തുക പിഴ | ഈദുൽ ഫിത്വർ: ഖത്തറിൽ ജനന-മരണ സർട്ടിഫിക്കറ്റ് നൽകുന്നതിനുള്ള സമയം പ്രഖ്യാപിച്ചു | മിഡിൽ ഈസ്റ്റ് മേഖലയിൽ എൽഎൻജി ദ്രവീകരണ ശേഷിയുടെ 75 ശതമാനവും ഖത്തറിന്  |
പ്രാർത്ഥനാ ആപ്പുകൾ വഴി മുസ്‌ലിംകളുടെ വിവരങ്ങൾ അമേരിക്കൻ സൈന്യം ചോർത്തുന്നതായി റിപ്പോർട്ട്

November 18, 2020

November 18, 2020

ദോഹ: ലോകത്ത്‌ മുസ്ലിംകൾ ഏറ്റവും കൂടുതൽ ഉപയോഗിക്കുന്ന ആപ്പുകളിൽ നിന്നും അമേരിക്കൻ സൈന്യം വിവരം ചോർത്തുന്നതായി റിപ്പോർട്ട്.. ഇത്തരം ആപ്പുകൾ തയാറാക്കുന്ന കമ്പനികളിൽ നിന്നും അമേരിക്കൻ സൈന്യം  ഡാറ്റ വിലക്കുവാങ്ങുന്നതായാണ് ഒരു പ്രമുഖ ടെക്നോളജി വെബ്സൈറ്റിന്റെ അന്വേഷണത്തിൽ കണ്ടെത്തിയത്. അൽ ജസീറയാണ് ഇക്കാര്യം റിപ്പോർട്ട് ചെയ്തത്.

പ്രധാനമായും രണ്ട് ആപ്പുകളിൽ നിന്നാണ് വിവരം ശേഖരിക്കുന്നത്: ലോകത്താകമാനം 98 ദശലക്ഷം പേര്‍ ഡൗണ്‍ലോഡ് ചെയ്യ്തിട്ടുള്ള മുസ്ലീം പ്രാര്‍ഥന, ഖുര്‍ആന്‍ ആപ്പായ മുസ്ലിം പ്രോ, അതുപോലെ മുസ്ലീം ഡേറ്റിംഗ് ആപ്പായ മുസ്ലിം മിംഗിൾ എന്നിവയിൽ നിന്നാണ് വിവരങ്ങൾ ചോർത്തുന്നതെന്നാണ് കണ്ടെത്തിയിരിക്കുന്നത്.

അമേരിക്കൻ സൈന്യത്തിന് കീഴിലുള്ള ഭീകരവിരുദ്ധ വിഭാഗം ആണ് ഡാറ്റ വാങ്ങിയത്.

വ്യക്തിപരമായ വിവരങ്ങളും ആളുകൾ സന്ദർശിക്കുന്ന സ്ഥലങ്ങളുമാണ് ചില കമ്പനികൾ ഈ ആപ്പുകളിൽ നിന്നും ചോർത്തി അമേരിക്കക്ക് വിൽക്കുന്നതെന്ന് ഓണ്‍ലൈന്‍ മാസികയായ മദര്‍ബോര്‍ഡ് റിപ്പോർട്ട് ചെയ്തു.

വാര്‍ത്ത സ്ഥിരീകരിച്ച യു.എസ് സൈന്യം വിദേശ രാജ്യങ്ങളിലെ ഓപ്പറേഷന് വേണ്ടിയാണ് വിവര ശേഖരണം നടത്തുന്നതെന്നും എല്ലാ നിയമങ്ങളും പിന്തുടരുന്നുണ്ടെന്നും പറഞ്ഞു.

ലോകത്ത്‌ ഒമ്പതര കോടി പ്രാവശ്യം ഡൌൺ ലോഡ് ചെയ്ത ആപ്പ് ആണ് മുസ്ലിം പ്രൊ. നമസ്കാര സമയം, കഅബയുടെ ദിശ, ഖുർആൻ പാരായണം എന്നിവ ഈ ആപ്പ് നൽകുന്നു.

ഇത്തരം ആപ്പുകളിലൂടെ അമേരിക്കയിൽ 25 ദശ ലക്ഷം ആളുകളെ പിന്തുടരുന്നതായും യൂറോപ്പ്, ലാറ്റിൻ അമേരിക്ക, ഏഷ്യ എന്നീ മേഖലകളിൽ 40 ദശ ലക്ഷം പേരെ പിന്തുടരുന്നതായും റിപ്പോർട്ട് പറയുന്നു.

അതേസമയം അമേരിക്കൻ സൈന്യത്തിന്റെ നടപടിയെ അമേരിക്കയിലെ സെനറ്റർ ഇല്ഹാൻ ഒമർ അപലപിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.


Latest Related News