December 11, 2019
December 11, 2019
മസ്കത്ത് : മസ്കത്ത് മുനിസിപ്പാലിറ്റിക്ക് കീഴിലുള്ള എല്ലാ ഡയറക്റ്ററേറ്റുകളിലെയും സേവനകേന്ദ്രങ്ങളുടെ പ്രവർത്തന സമയം രാവിലെകളിൽ മാത്രമായി പരിമിതപ്പെടുത്തുന്നു. മത്ര, ബുഷാർ, സീബ്, അൽ അമാറാത്ത്, ഖുറയാത്ത് എന്നീ ഗവർണറേറ്റുകളിലെ സർവീസ് സെന്ററുകൾക്ക് ഇത് ബാധകമായിരിക്കും. ഇതനുസരിച്ച് ഇവിടെയുള്ള സേവന കേന്ദ്രങ്ങളിൽ വൈകീട്ടുള്ള സേവനങ്ങൾ ലഭ്യമാവില്ല. 2020 ജനുവരി ഒന്ന് മുതൽ ഇത് പ്രാബല്യത്തിൽ വരുമെന്ന് മസ്കത്ത് മുനിസിപ്പാലിറ്റി അറിയിച്ചു.
അതേസമയം മുനിസിപ്പാലിറ്റിയുടെ ഔദ്യോഗിക വെബ്‌സൈറ്റ് വഴിയും ബലദിയാത് സ്മാർട്ഫോൺ ആപ്ലിക്കേഷൻ വഴിയും സേവനങ്ങൾ ലഭിക്കും. മുനിസിപ്പാലിറ്റി സേവനങ്ങളിൽ ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന്റെ ഭാഗമായാണ് നടപടിയെന്ന് അധികൃതർ അറിയിച്ചു.
