ദോഹ : ഖത്തറിൽ കോവിഡ് പ്രതിരോധ വാക്സിൻ രണ്ടാമത്തെ ഡോസ് സ്വീകരിച്ചവർ ഖത്തറിൽ തിരിച്ചെത്തുമ്പോൾ ഹോട്ടൽ കൊറന്റൈൻ ഒഴിവാക്കുന്നതിനുള്ള കാലപരിധി ആറു മാസമായി വർധിപ്പിച്ചു.നേരത്തെ ഇത് മൂന്നു മാസമായിരുന്നു.രണ്ടാമത്തെ ഡോസ് സ്വീകരിച്ചു 14 ദിവസം മുതലാണ് സമയ പരിധി കണക്കാക്കുക.
- വാക്സിൻ രണ്ടാം ഡോസ് സ്വീകരിച്ച് 14 ദിവസം കഴിഞ്ഞ ശേഷം മാത്രം ഖത്തറിലേക്ക് തിരിച്ചുവരുന്നവർക്കാണ് കൊറന്റൈൻ ഒഴിവാക്കുക.
- ഖത്തറിലേക്ക് തിരിച്ചുവരുമ്പോൾ കോവിഡ് നെഗറ്റീവ് പിസിആർ പരിശോധന നിര്ബന്ധമായിരിക്കും.
- രണ്ടാമത്തെ ഡോസ് സ്വീകരിച്ച ശേഷം എപ്പോൾ വേണമെങ്കിലും രാജ്യം വിടാൻ അനുമതിയുണ്ടായിരിക്കും.
- രണ്ടാമത്തെ ഡോസ് സ്വീകരിച്ച് 14 ദിവസത്തിന് ശേഷം ആറ് മാസത്തേക്ക് ഹോട്ടൽ കൊറന്റൈൻ ആവശ്യമില്ല.
- വാക്സിൻ സ്വീകരിച്ച മാതാപിതാക്കൾക്കൊപ്പം വരുന്ന 16 വയസ്സിൽ താഴെയുള്ള കുട്ടികൾക്ക് കൊറന്റൈൻ ആവശ്യമില്ല.അതേസമയം ഇവർ ഒരാഴ്ച ഹോം കൊറന്റൈനിൽ കഴിയണം.
- മറ്റു രാജ്യങ്ങളിൽ നിന്ന് വാക്സിൻ എടുത്തവർക്ക് ഈ ഇളവുകൾ ബാധകമായിരിക്കില്ല.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ഫോൺ ഉപയോഗിക്കുന്നവർ ഈ ലിങ്കിൽ നിന്നും newsroom connect ആപ് ഡൗൺ ലോഡ് ചെയ്യുക.ലിങ്ക് :https://play.google.com/store/apps/details?id=com.friggitello.newsroom_qatar_user