March 23, 2021
March 23, 2021
ദോഹ : കോവിഡ് വാക്സിൻ മനുഷ്യന്റെ പ്രത്യുല്പാദനക്ഷമതയെ ബാധിക്കുമെന്നതിന് തെളിവുകളൊന്നും ലഭ്യമല്ലെന്ന് ഖത്തർ പൊതുജനാരോഗ്യമന്ത്രാലയം വ്യക്തമാക്കി.കോവിഡ് പ്രതിരോധ വാക്സിൻ സംബന്ധിച്ച ചോദ്യത്തിനുള്ള മറുപടിയായി ഹമദ് മെഡിക്കൽ കോർപറേഷനിലെ കമ്യൂണിക്കബിള്‍ ഡിസീസ് സെന്റര്‍ മെഡിക്കല്‍ ഡയറക്ടര്‍ ഡോ. മുന അല്‍ മസ്ലമണിയാണ് ഇക്കാര്യം വ്യക്തമാക്കിയത്.
വാക്സിൻ സ്വീകരിച്ച പുരുഷന്മാർക്കോ സ്ത്രീകൾക്കോ പ്രത്യുൽപാദന ക്ഷമതയുമായി ബന്ധപ്പെട്ട എന്തെങ്കിലും തകരാറുകൾ ഉണ്ടായതിന് ശാസ്ത്രീയമായ എന്തെങ്കിലും തെളിവുകളോ താത്വികമായ ന്യായങ്ങളോ ഇല്ലെന്ന് അവർ വിശദീകരിച്ചു.അവസരം ലഭിക്കുന്ന മുറക്ക് എല്ലാവരും വാക്സിൻ സ്വീകരിക്കുകയാണ് വേണ്ടതെന്നും അവർ ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
