November 11, 2019
November 11, 2019
ദോഹ: ഖത്തറിൽ നടക്കുന്ന കലാ-കായിക മത്സരങ്ങൾ കാണാൻ പങ്കെടുക്കാൻ ആഗ്രഹിക്കുന്നവർക്കായി ആഭ്യന്തര മന്ത്രാലയം ഇ വിസാ പോർട്ടൽ ആരംഭിച്ചു.രാജ്യത്തു നടക്കുന്ന പ്രത്യേക സാംസ്കാരിക ആഘോഷങ്ങളും കായികമത്സരങ്ങളും കാണാൻ ആഗ്രഹിക്കുന്നവർക്കാണ് ഇ വിസ അനുവദിക്കുന്നത്. വാണിജ്യ വ്യവസായ മന്ത്രാലയത്തിൽ ഇന്ന് നടന്ന വാർത്താ സമ്മേളനത്തിലാണ് ഇ പോർട്ടലിന്റെ പ്രകാശനം നടന്നത്. കായികം, സംസ്കാരികം, ടൂറിസം എന്നിവയുമായി ബന്ധപ്പെട്ട് നടക്കുന്ന എല്ലാ പരിപാടികൾക്കും ബാധകമാകുന്നതാണ് ഖത്തർ വിസ ഇ-പോർട്ടൽ എന്ന് പ്രകാശന ചടങ്ങിൽ ആഭ്യന്തര മന്ത്രാലയത്തിനു കീഴിലുള്ള വിസ സപ്പോർട് സർവിസസ് വിഭാഗം ഡയറക്ടർ മേജർ അബ്ദുല്ല ഖലീഫ അൽമുഹന്നദി പറഞ്ഞു.
അപേക്ഷ നൽകി രണ്ടു പ്രവൃത്തി ദിവസങ്ങൾക്കകം വിസ അനുവദിക്കും. പരിപാടി സമാപ്പിക്കുന്നതുവരെയാണ് വിസയുടെ കാലാവധി. ആദ്യ ഘട്ടത്തിൽ ഖത്തറിനു പുറത്തുള്ളവർക്കു മാത്രമായിരിക്കും പോർട്ടലിന്റെ സേവനം ലഭിക്കുക. പുതിയ സംവിധാനത്തിന് രാജ്യത്തിന്റെ സാമ്പത്തിക വളർച്ചയിൽ വലിയ പങ്കുവഹിക്കാനാകുമെന്നാണ് പ്രതീക്ഷിക്കപ്പെടുന്നത്. ഖത്തറിൽ നടക്കുന്ന കായിക, സാംസ്കാരിക, ടൂറിസം പരിപാടികളെ കുറിച്ച് വിവരം നൽകുന്ന പ്രത്യേക സെക്ഷൻ പോർട്ടലിൽ ഉണ്ടാകുമെന്ന് മുഹന്നദി അറിയിച്ചു.
ന്യുസ്റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സ്ആപ് നമ്പറിലേക്ക് സന്ദേശം അയക്കുക.