December 30, 2020
December 30, 2020
ദോഹ: ഖത്തരി ഉല്പ്പന്നങ്ങള്ക്കായി പുതിയ ലോഗോ വാണിജ്യ, വ്യവസായ മന്ത്രാലയം അവതരിപ്പിച്ചു. ആവശ്യമായ അനുമതികളും ലൈസന്സുമുള്ള എല്ലാ നിര്മ്മാതാക്കള്ക്കും വില്പ്പന കേന്ദ്രങ്ങള്ക്കും ഈ ലോഗോ ഉപയോഗിക്കാന് അനുവാദമുണ്ടെന്ന് മന്ത്രാലയം വ്യക്തമാക്കി.
പൂര്ണ്ണമായോ ഭാഗികമായോ ഖത്തറില് നിര്മ്മിച്ച എല്ലാ ഉല്പ്പന്നങ്ങളിലും ലോഗോ ഉപയോഗിക്കാം. മാര്ക്കറ്റിങ് ആവശ്യങ്ങള്ക്കായി പരസ്യങ്ങളിലും ലോഗോ ഉപയോഗിക്കാമെന്നും മന്ത്രാലയം ട്വീറ്റിലൂടെ അറിയിച്ചു.
ഉല്പ്പന്നത്തിന്റെ പാക്കിങ്ങിന്റെ മുന്ഭാഗത്തോ ഉപഭോക്താവിന് വ്യക്തമായി കാണാന് കഴിയുന്ന മറ്റ് ഭാഗങ്ങളിലോ ലോഗോ ഉപയോഗിക്കാന് കഴിയും. എന്നാല് എന്നാല് അത് ഉല്പ്പന്നത്തിനു താഴെ വയ്ക്കാന് പാടില്ല.
ഡിസൈന് മാര്ഗനിര്ദ്ദേശങ്ങള് കര്ശനമായി പാലിക്കണം. ലോഗോയുടെ ആകൃതിയോ ഉള്ളടക്കമോ മാറ്റാന് അനുവാദമില്ല. ഷിപ്പിങ്, വിതരണ വാഹനങ്ങളിലും ലോഗോ പതിപ്പിക്കാം. എന്നാല് ഇത് വാഹനത്തിന്റെ വലുപ്പത്തിന് ആനുപാതികമായിരിക്കണം.
പുതിയ ലോഗോയിലേക്ക് മാറുന്നതിനുള്ള ഗ്രെയ്സ് പിരീഡ് ആറു മാസമാണ്. എല്ലാ നിര്മ്മാതാക്കളും വില്പ്പന കേന്ദ്രങ്ങളും ഈ കലാവധിക്കുള്ളില് പുതിയ ലോഗോ ഉപയോഗിച്ച് തുടങ്ങണം.
ഇതു സംബന്ധിച്ച് എന്തെങ്കിലും സശയങ്ങള് ഉണ്ടെങ്കില് വാണിജ്യ, വ്യവസായ മന്ത്രാലയത്തിലെ പ്രാദേശിക ഉല്പ്പന്നങ്ങളുടെ മത്സരാത്മകതയെ പ്രോത്സാഹിപ്പിക്കുന്ന വകുപ്പുമായി ബന്ധപ്പെടാവുന്നതാണ്. അല്ലെങ്കില് NPSD@moci.gov.qa എന്ന ഇ-മെയില് വിലാസത്തിലേക്ക് മെയില് അയക്കാം.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.