January 28, 2021
January 28, 2021
ദോഹ : കാണാതായ ഖത്തറി പൗരനും നാവികസേന ബ്രിഗേഡിയറുമായ മുഹമ്മദ് ബുഹാസയെ കടലിൽ മരിച്ച നിലയിൽ കണ്ടെത്തി. തക്കീറയിൽ കടലിൽ തിങ്കളാഴ്ച ഉച്ചക്ക് മീൻപിടുത്തത്തിന് പോയ ബുഹാസയെ കാണാതാവുകയായിരുന്നു. ബോട്ടും മത്സ്യബന്ധന ഉപകരണങ്ങളും വൈകുന്നേരം കണ്ടെത്തിയിരുന്നു. തുടർന്ന് രക്ഷാപ്രവർത്തകർ നടത്തിയ തിരച്ചിലിലാണ് മൃതദേഹം കണ്ടെത്തിയത്.
മൃതദേഹം മെസയ്മീർ ശ്മശാനത്തിൽ ഖബറടക്കി. മുഹമ്മദ് ബുഹാസയുടെ മരണത്തെ തുടർന്ന് നിരവധി പേർ സമൂഹ മാധ്യമങ്ങളിൽ അനുശോചനം അർപ്പിച്ചു.
ഖത്തർ നാവികസേനയിൽ ബ്രിഗേഡിയറായിരുന്ന ബുഹാസ പലപ്പോഴും കടൽ യാത്രകൾക്ക് പോവാറുണ്ടായിരുന്നു. എല്ലാവരോടും അടുത്തിടപെഴുകിയിരുന്ന ബുഹാസ മികച്ച വ്യക്തിത്വത്തിന് ഉടമയായിരുന്നെന്ന് നിരവധി പേർ സമൂഹ മാധ്യമങ്ങളിൽ അനുസ്മരിച്ചു.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.