March 18, 2021
March 18, 2021
ദോഹ: സ്‌കൂളുകളിലെ ഹാജര്‍നില 30 ശതമാനമായി കുറയ്ക്കാന്‍ ഖത്തര്‍ വിദ്യാഭ്യാസ-ഉന്നത വിദ്യാഭ്യാസ മന്ത്രാലയം. മാര്‍ച്ച് 21 മുതല്‍ തീരുമാനം പ്രാബല്യത്തില്‍ വരും.
ട്വിറ്ററിലൂടെയാണ് മന്ത്രാലയം ഇക്കാര്യം അറിയിച്ചത്. സുരക്ഷിതവും ആരോഗ്യകരവുമായ സ്‌കൂള്‍ അന്തരീക്ഷം ഉറപ്പാക്കാനായാണ് ഹാജര്‍നില 30 ശതമാനമായി കുറച്ചതെന്ന് മന്ത്രാലയം ട്വിറ്ററില്‍ കുറിച്ചു. പൊതുജനാരോഗ്യ മന്ത്രാലയവുമായി ചേര്‍ന്നാണ് തീരുമാനമെടുത്തതെന്നും മന്ത്രാലയം കൂട്ടിച്ചേര്‍ത്തു.
നേരത്തേ അധ്യാപകര്‍ക്കും സ്‌കൂള്‍ ജീവനക്കാര്‍ക്കും വാക്‌സിന്‍ നിര്‍ബന്ധമാക്കിയിരുന്നു. വാക്‌സിന്‍ സ്വീകരിച്ചതിന്റെ തെളിവ് ഇഹ്തറാസ് ആപ്പില്‍ കാണിച്ചാല്‍ മാത്രമേ അധ്യാപകര്‍ക്കും ജീവനക്കാര്‍ക്കും സ്‌കൂളുകളില്‍ പ്രവേശിപ്പിക്കാന്‍ പാടുള്ളൂ എന്ന് നിര്‍ദ്ദേശം നല്‍കിയിട്ടുണ്ട്. അല്ലെങ്കില്‍ എല്ലാ ആഴ്ചയും കൊവിഡ്-19 പരിശോധന നടത്തി നെഗറ്റീവ് ആണെന്ന് തെളിയിക്കുന്ന പരിശോധനാ ഫലം ഹാജരാക്കണം.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
