September 16, 2019
September 16, 2019
മുംബൈ : വാഹന വിപണിയിലെ തളര്‍ച്ച മറികടന്ന് മുന്നേറാന്‍ രാജ്യത്തെ പ്രമുഖ വാഹനനിര്‍മ്മാതാക്കളായ മാരുതി സുസുക്കി വമ്പൻ വിലക്കുറവ് പ്രഖ്യാപിച്ചു. ജനങ്ങളുടെ വാങ്ങല്‍ശേഷിയെ വിലക്കൂടുതല്‍ പ്രതികൂലമായി ബാധിക്കുന്നതിനാലാണ് വിലകുറവ് പ്രഖ്യാപിക്കാന്‍ തീരുമാനിച്ചത്. ഉത്സവസീസണില്‍ നാല്‍പ്പതിനായിരം മുതല്‍ ഒരു ലക്ഷം രൂപ വരെയാണ് വില കുറയ്ക്കുക.
ഇതോടൊപ്പം വാഹനവായ്പാ നിരക്കുകള്‍ കുറയ്ക്കാന്‍ വാണിജ്യബാങ്കുകളോട് ആവശ്യപ്പെടുമെന്നും മാരുതി മാനേജ്മെന്റ് അറിയിച്ചു. കഴിഞ്ഞ മാസം മാത്രം 36 ശതമാനത്തിന്റെ ഇടിവാണ് മാരുതി വാഹനങ്ങളുടെ വില്‍പ്പനയില്‍ രേഖപ്പെടുത്തിയത്. മാരുതി സുസുക്കിയെ കൂടാതെ മറ്റു കമ്പനികളും മാന്ദ്യം മറികടക്കാന്‍ വിലക്കുറവ് പ്രഖ്യാപിച്ചേക്കുമെന്നാണ് സൂചന.
