November 16, 2019
November 16, 2019
ദുബായ് : മലയാളി കുടുംബത്തിലെ ഒൻപത് മാസം പ്രായമുള്ള കുട്ടിയെ റാസൽഖൈമയിൽ വില്ലയിലെ മുറിയിൽ മരിച്ച നിലയിൽ കണ്ടെത്തി. കുട്ടിയുടെ മാതാവിനെ കെട്ടിടത്തിൽ നിന്ന് ചാടി ജീവനൊടുക്കാൻ ശ്രമിച്ചതിനെ തുടർന്ന് ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസമാണ് സംഭവം. റാസൽഖൈമയിൽ വ്യാപാരിയായ ഭർത്താവിനും മക്കൾക്കുമൊപ്പം താമസിച്ചിരുന്ന തൃശൂർ സ്വദേശിനിയായ യുവതിയാണ് കെട്ടിടത്തിൽ നിന്ന് താഴേക്ക് ചാടി ജീവനൊടുക്കാൻ ശ്രമിച്ചത്. ഇവരുടെ അടുത്ത ബന്ധുക്കളും ഇതേ വില്ലയിൽ തന്നെ താമസിക്കുന്നുണ്ട്.. ഭർത്താവ് സ്ഥലത്തില്ലാതിരുന്നപ്പോഴാണ് സംഭവമെന്ന് പറയുന്നു.
യുവതിയുടെ നാലു വയസുകാരനായ മൂത്ത കുട്ടി മുറിയിൽ മരിച്ച കുട്ടിക്കടുത്ത് ഇരിക്കുകയായിരുന്നതായും പറയപ്പെടുന്നു. ഭർത്താവിനെയും മറ്റു ബന്ധുക്കളെയും പൊലീസ് കസ്റ്റഡിയിലെടുത്തതായാണ് വിവരം. കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.