April 23, 2020
April 23, 2020
ദോഹ : യു.കെയിൽ മരണപ്പെട്ട മലയാളി മെഡിക്കൽ വിദ്യാർത്ഥി മരിച്ചത് കോവിഡ് ബാധിച്ചല്ലെന്ന് രക്ഷിതാക്കൾ അറിയിച്ചു.ഖത്തറിലെ ഹമദ് ആശുപത്രിയിൽ ജോലി ചെയ്യുന്ന കോഴിക്കോട് ചെമ്പനോട സ്വദേശി ഡോ.പ്രകാശ് ജോസഫിന്റെയും റാസ്ഗ്യാസ് ക്ലിനിക്കിൽ ഗൈനക്കോളജിസ്റ്റായ ഡോ.ഷാമീന്റെയും മകൻ കുന്നക്കാട് സിദ്ധാർഥ് ആണ് യു.കെയിൽ മരണപ്പെട്ടതായി രക്ഷിതാക്കൾക്ക് വിവരം ലഭിച്ചത്. യു.കെയിൽ മൂന്നാം വർഷ എം.ബി.ബി.എസ് വിദ്യാർത്ഥിയായിരുന്നു. ഒരു സഹോദരനുണ്ട്.
ചെറുപ്പം മുതൽ ഫിറ്റ്സ്(ചുഴലി ദീനം) അസുഖമുണ്ടായിരുന്നതായി ബന്ധുക്കൾ ന്യൂസ്റൂമിനെ അറിയിച്ചു.എന്നാൽ ചില മാധ്യമങ്ങൾ സിദ്ധാർത്ഥിന്റെ മരണം കോവിഡ് മൂലമാണെന്ന് തെറ്റായ വാർത്ത നൽകിയിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.