January 13, 2020
January 13, 2020
റാസൽഖൈമ : പനിയെ തുടര്ന്ന് അഞ്ചു വയസുകാരി റാസല്ഖൈമയില് മരിച്ചു . റാക് സ്റ്റീവന് റോക്കില് ജോലി ചെയ്യുന്ന തൃശൂര് അഞ്ചേരി തട്ടില് വല്ലച്ചിറക്കാരന് വീട്ടില് ജോബിന് ജോസഫിന്റെ മകള് ദിയ റോസ് ആണ് മരിച്ചത്.
ഞായറാഴ്ച വൈകുന്നേരം പനിയെ തുടര്ന്ന് ആശുപത്രിയില് ചികിത്സ തേടിയിരുന്നു.പനി മൂര്ച്ഛിച്ചതിനെ തുടര്ന്ന് റാക് സഖര് ആശുപത്രിയിലേക്ക് മാറ്റിയെങ്കിലും ഇന്നലെ രാത്രിയോടെ മരണം സംഭവിക്കുകയായിരുന്നു.
റാക് ഇന്ത്യന് പബ്ലിക് സ്കൂള് കെജി ടു വിദ്യാര്ത്ഥിനീയാണ്. നാലര വയസുകാരന് ജോണ് ജോബി സഹോദരനാണ്. ജിനി ജോബിനാണ് മാതാവ്. മൃതദേഹം ഇന്ന് വൈകീട്ടുള്ള വിമാനത്തില് നാട്ടിലെത്തിക്കുമെന്ന് ബന്ധുക്കള് അറിയിച്ചു.