December 17, 2018
December 17, 2018
റിയാദ്: രണ്ടു ദിവസം മുമ്പ് സൗദിയിൽ എത്തിയ മലയാളി യുവതിയും മകനും വാഹനാപകടത്തിൽ മരിച്ചു. ഖുൻഫുദയിൽ കഴിഞ്ഞ ദിവസം ഉണ്ടായ വാഹനാപകടത്തിലാണ് മലപ്പുറം വേങ്ങര കോട്ടുമല സ്വദേശി പറ്റൊടുവിൽ ഇസ്ഹാഖിന്റെ ഭാര്യ ഷഹറാ ബാനു (30),മകൻ മുഹമ്മദ് ഷാൻ (11) എന്നിവർ മരിച്ചത്.
അപകടത്തിൽ പരിക്കേറ്റ ഭർത്താവ് ഇസ്ഹാഖിനെയും ഇളയ മകൾ ഇഷാ ഫാത്തിമയെയും ജിദ്ദ കിങ് അബ്ദുൽ അസീസ് ആശുപത്രിയിലേക്ക് മാറ്റിയിട്ടുണ്ട്. ഇന്നലെ രാവിലെ പത്തു മണിക്കാണ് അപകടമുണ്ടായത്. കിൻഫുദയിൽ നിന്ന് ഷക്കീക്കിലേക്കുള്ള വഴിയിൽ ഇവർ സഞ്ചരിച്ചിരുന്ന കാർ മറ്റൊരു വാഹനവുമായി ഇടിക്കുകയായിരുന്നു. രണ്ടു ദിവസം മുമ്പാണ് ഷഹറാ ബാനുവും മകനും സന്ദർശക വിസയിൽ സൗദിയിൽ എത്തിയത്. ഇസ്ഹാഖിന്റെ സഹോദരനെ കാണാൻ പോകുന്നതിനിടെയാണ് അപകടമുണ്ടായത്. ഇസ്ഹാഖിന് കാര്യമായ പരിക്കില്ല. മൃതദേഹങ്ങൾ അലി ജുനൂബ് ആശുപത്രിയിൽ സൂക്ഷിച്ചിരിക്കുകയാണ്.