October 11, 2019
October 11, 2019
ദുബായ് : വളാഞ്ചേരി ചെറുപറമ്പിൽ സ്വാലിഹ് (25) യു.എ.ഇയില് വാഹനാപകടത്തില് മരിച്ചു. ജീവകാരുണ്യ പ്രവർത്തകനായിരുന്ന പരേതനായ ചെറുപറമ്പിൽ ഉസ്മാന് ഭായിയുടെ മകനാണ്. അബൂദബിയില് നിന്ന് അല്ഐനിലേക്ക് പോകുന്ന വഴിയാണ് അപകടം സംഭവിച്ചത്.വാഹനം ഓടിച്ചിരുന്ന ഈജിപ്ഷ്യന് സുഹൃത്ത് ഉള്പ്പെടെ മൂന്നു പേര് പരിക്കുകളോടെ ചികിത്സയിലാണ്.
വിസിറ്റ് വിസയില് യു.എ.ഇയില് എത്തിയ സ്വാലിഹ് ഏതാനും ദിവസങ്ങൾക്ക് മുമ്പ് മാത്രമാണ് ജോലിയില് പ്രവേശിച്ചത്. 40 ദിവസം മുമ്പാണ് പിതാവ് ഉസ്മാൻ മരണപ്പെട്ടത്.മാതാവ്: സുഹറ.സഹോദരങ്ങള്: സാബി, സാലിം,സാബിര്, സാദിഖ്, സാജിദ്, ലൗസി.
നടപടി ക്രമങ്ങള് പൂര്ത്തിയാക്കി മയ്യിത്ത് നാട്ടില് കൊണ്ടുപോയി ഖബറടക്കുമെന്ന് സുഹൃത്തുക്കള് അറിയിച്ചു. ഇതിനായി കെ.എം.സി.സി പ്രവര്ത്തകര് ശ്രമം നടത്തിവരികയാണ്.