October 01, 2019
October 01, 2019
സൽമാൻ രാജാവ് തന്റെ പിതാവിന്റെ മൃതദേഹം ഖബറടക്കത്തിനായി പള്ളിയിലേക്ക് കൊണ്ടുപോകുന്നതാണ് യഥാർത്ഥ ചിത്രം.
റിയാദ് : സൗദി ഭരണാധികാരി സല്‍മാന്‍ രാജാവിന്റെ അംഗരക്ഷകൻ മേജര്‍ ജനറല്‍ അബ്ദുല്‍ അസീസ് അല്‍ഫഗത്തിന്റെ സംസ്കാര ചടങ്ങുമായി ബന്ധപ്പെട്ട് വ്യാജ ചിത്രം പ്രചരിക്കുന്നു. കൊല്ലപ്പെട്ട മേജർ ജനറലിന്റെ മൃതദേഹം ഖബറടക്കത്തിനായി കൊണ്ടുപോകുന്ന സൽമാൻ രാജാവിന്റെ ചിത്രവും അടിക്കുറിപ്പികളുമാണ് സമൂഹമാധ്യമങ്ങളിൽ വ്യാപകമായി പ്രചരിക്കുന്നത്. ചില ഓൺലൈൻ മാധ്യമങ്ങളും വലിയ പ്രാധാന്യത്തോടെ ഈ വാർത്ത നൽകിയിട്ടുണ്ട്.
'വെടിയേറ്റ് മരിച്ച അംഗ രക്ഷകന്റെ മൃതദേഹം വഹിച്ച്‌ സൗദി രാജാവിന്റെ സ്‌നേഹാഞ്ജലി' എന്ന തലക്കെട്ടോടെയാണ് ചില ഓൺലൈൻ മാധ്യമങ്ങൾ ചിത്രവും വാർത്തയും നൽകിയിരിക്കുന്നത്.പ്രിയപ്പെട്ടവനെ യാത്രയാക്കാന്‍ തന്റെ അധികാരമോ പ്രായമോ പദവിയോ തടസ്സമായില്ലെന്ന അടിക്കുറിപ്പ് നൽകിയാണ് വാട്സ്ആപ് ഉൾപെടെയുള്ള സമൂഹ മാധ്യമങ്ങളിലും ചിത്രം പലരും പങ്കുവെച്ചത്.അതേസമയം,2011 ൽ തന്റെ പിതാവിന്റെ മൃതദേഹം ഖബറടക്കത്തിനായി പള്ളിയിലേക്ക് കൊണ്ടുപോകുന്നതാണ് യഥാർത്ഥ ചിത്രം.ഈ പഴയ ചിത്രമാണ് തന്റെ അംഗരക്ഷകന്റെ മൃതദേഹം ചുമക്കുന്ന സൗദി രാജാവിന്റെ ചിത്രമായി പലരും തെറ്റായി പ്രചരിപ്പിക്കുന്നത്.
