December 29, 2019
December 29, 2019
ദോഹ : കത്താറയിൽ നടക്കുന്ന കാർഷിക പ്രദർശന മേളയായ 'മഹാസിൽ' ഒരാഴ്ചത്തേക്ക് കൂടി നീട്ടിയതായി അധികൃതർ അറിയിച്ചു. ഇന്നലെ(ശനി) അവസാനിക്കേണ്ടിയിരുന്ന നാലാമത് മഹാസിൽ ഫെസ്റ്റിവൽ പൊതുജനങ്ങളുടെ തിരക്ക് പരിഗണിച്ചാണ് ഒരാഴ്ചത്തേക്ക് കൂടി നീട്ടിയത്. ഇതനുസരിച്ച് ജനുവരി 4 അടുത്ത ശനിയാഴ്ച വരെ എല്ലാ ദിവസവും പ്രദർശനം തുടരും. കത്താറയിലെ സെന്റ് റീഗസ് ഹോട്ടലിന് എതിർവശം എല്ലാ ദിവസവും രാവിലെ 9 മുതൽ രാത്രി 9 വരെയാണ് പ്രവേശനം.
ജനുവരി 4 ന് ശേഷം വ്യാഴം,വെള്ളി ദിവസങ്ങളിൽ മാത്രം വ്യാഴം,വെള്ളി ദിവസങ്ങളിൽ പ്രദർശനമുണ്ടാവും.2020 മാർച്ച് വരെ ഇത് തുടരും. പ്രാദേശിക ഫാമുകളിൽ ഉത്പാദിപ്പിച്ച കാർഷിക വിളകൾ,അലങ്കാര ചെടികൾ,കൃഷി അനുബന്ധ ഉത്പന്നങ്ങൾ എന്നിവയാണ് പ്രദർശനത്തിലുള്ളത്.