December 21, 2020
December 21, 2020
ദോഹ: കൊറോണ കാരണം ലോകത്തെ എല്ലാ ആഘോഷങ്ങളും ഉപേക്ഷിക്കുകയോ കടുത്ത നിയന്ത്രണങ്ങളോടെ നടത്തുകയോ ചെയ്യുന്ന കാഴ്ചയാണ് നമ്മള് കാണുന്നത്. ആഘോഷങ്ങളെ ഏറെ ഇഷ്ടപ്പെടുന്ന കുട്ടികള്ക്കാണ് ഇത് ഏറെ സങ്കടമുണ്ടാക്കിയത് എന്ന കാര്യത്തില് തര്ക്കമില്ല. എന്നാല് തങ്ങളെ കൊണ്ട് കഴിയുന്ന തരത്തില് ഖത്തര് ദേശീയ ദിനം ആഘോഷിച്ചിരിക്കുകയാണ് ദോഹയിലെ എം.ഇ.എസ് ഇന്ത്യന് സ്കൂളിലെ കുട്ടികള്.
വെര്ച്വല് രീതിയിലായിരുന്നു എം.ഇ.എസ് ഇന്ത്യന് സ്കൂളിലെ കുട്ടികളുടെ ദേശീയദിനാഘോഷം. വൈവിധ്യമാര്ന്ന പരിപാടികള് കൊണ്ട് സമ്പന്നമായിരുന്നു വെര്ച്വല് ദേശീയദിനാഘോഷം.
ദേശീയദിനത്തോടനുബന്ധിച്ച് സ്കൂള് പ്രത്യേക അസംബ്ലികള് വെര്ച്വലായി സംഘടിപ്പിച്ചു. ഈ അസംബ്ലികളില് കുട്ടികള് പ്രസംഗങ്ങള് അവതരിപ്പിച്ചു. എസ്സാ മേഖലകളിലുമുള്ള ഖത്തറിന്റെ വിജയങ്ങളെ ഉയര്ത്തിക്കാട്ടുന്ന പ്രസംഗങ്ങളാണ് കുട്ടികള് നടത്തിയത്.
Also Read: ഫൈസര്-ബയോണ്ടെക് വാക്സിന്റെ അടിയന്തിര ഉപയോഗത്തിന് ഖത്തര് അനുമതി നല്കി
അറബി, ഇംഗ്ലീഷ് ഗാനാലാപനം, ഖത്തറിലെ പരമ്പരാഗത വേഷങ്ങളണിഞ്ഞുള്ള നൃത്തനൃത്യങ്ങള് എന്നീ പരിപാടികള്ക്കൊപ്പം ചിത്രരചന, പേപ്പര് ക്രാഫ്റ്റിങ്, തുടങ്ങിയ പരിപാടികളും ഖത്തര് ദേശീയദിനാഘോഷത്തിന്റെ ഭാഗമായി എം.ഇ.എസ് ഇന്ത്യന് സ്കൂള് നടത്തി. വിദ്യാര്ത്ഥികള് ഏറെ താല്പ്പര്യത്തോടെ പങ്കെടുത്ത ക്വിസ് മത്സരവും ശ്രദ്ധേയമായി.
ഖത്തറിന്റെ സമ്പന്നമായ സാംസ്കാരിക പൈതൃകവും രാജ്യത്തെ പ്രധാന സ്ഥലങ്ങളുമെല്ലാം ചിത്രീകരിച്ച വീഡിയോ അസംബ്ലിയില് പ്രദര്ശിപ്പിച്ചു.
എം.ഇ.എസ് ഇന്ത്യന് സ്കൂള് പ്രിന്സിപ്പല് ഹമീദ കാദര് ദേശീയദിനാഘോഷത്തില് പങ്കെടുത്ത എല്ലാ വിദ്യാര്ത്ഥികളെയും അഭിനന്ദിച്ചു. ദേശീയദിനാഘോഷം വിദ്യാര്ത്ഥികള്ക്ക് ഖത്തറിനോടുള്ള സ്നേഹം പ്രതിഫലിപ്പിച്ചുവെന്നും അവര് കൂട്ടിച്ചേര്ത്തു.
ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.