September 18, 2019
September 18, 2019
കുവൈത്ത് സിറ്റി : രാജ്യത്തെ സുരക്ഷ ശക്തമാക്കാനും ജാഗ്രത പുലർത്താനും കുവൈത്ത് വിദേശകാര്യ മന്ത്രി സായുധ സേനയ്ക്ക് നിർദേശം നൽകിയതായി ഔദ്യോഗിക വാർത്താ ഏജൻസിയായ 'കുന'റിപ്പോർട്ട് ചെയ്തു.തലസ്ഥാനത്ത് അജ്ഞാത ഡ്രോൺ ശ്രദ്ധയിൽ പെട്ടതിനെ തുടർന്നാണ് നടപടി.രാജ്യത്തെ സർക്കാർ സ്ഥാപനങ്ങൾക്ക് കഴിഞ്ഞ ദിവസം സുരക്ഷാ ശക്തമാക്കിയിരുന്നു.
സൗദിയിലെ ആരാംകോ എണ്ണ സംസ്കരണ കേന്ദ്രങ്ങൾക്ക് നേരെയുണ്ടായ ആക്രമണത്തെ തുടർന്ന് ഗൾഫ് മേഖലയിൽ സംഘർഷം രൂക്ഷമായ സാഹചര്യം കണക്കിലെടുത്താണ് ജാഗ്രതാ നിർദേശമെന്നാണ് വിവരം.പ്രധാനമന്ത്രി ശൈഖ് ജാബിർ അൽ മുബാറക് അൽ സബാഹ് ഞായറാഴ്ച മുതിർന്ന സുരക്ഷാ ഉദ്യോഗസ്ഥന്മാരുടെ അടിയന്തര യോഗം വിളിച്ചു ചേർത്തിരുന്നു.