January 20, 2020
January 20, 2020
കുവൈത്ത് സിറ്റി: 11 തന്ത്രപ്രധാന സ്ഥലങ്ങളില് കുവൈത്ത് സുരക്ഷ ശക്തമാക്കി. അമേരിക്കന്, ബ്രിട്ടീഷ് സൈനിക താവളങ്ങള്, രണ്ട് രാജ്യങ്ങളുടെയും എംബസികള് എന്നിവിടങ്ങളിലാണ് പ്രത്യേക സുരക്ഷ ഒരുക്കിയത്. കനത്ത പരിശോധനക്കു ശേഷമേ ഇവിടേക്ക് ആളുകളെ കയറ്റിവിടുന്നുള്ളൂ. പതിവ് സന്നാഹങ്ങള്ക്കപ്പുറത്ത് കുവൈത്ത് സേന പ്രത്യേക നിരീക്ഷണവും പരിശോധനയും നടത്തുന്നുണ്ട്. ഇതിന് പ്രത്യേക സംഘത്തെയും നിയോഗിച്ചിട്ടുണ്ട്.
കുവൈത്തിലെ അമേരിക്കന് സൈനികര്ക്കും അവരുടെ കുടുംബങ്ങള്ക്കും സമൂഹ മാധ്യമങ്ങളിലൂടെ ഭീഷണി ഉയര്ന്നതിന്റെ അടിസ്ഥാനത്തിലാണ് ഇവർക്കുള്ള സുരക്ഷ ശക്തമാക്കിയത്. ഇറാനുമായി സംഘര്ഷം രൂക്ഷമായതിനെത്തുടര്ന്ന് ഈ മാസം ആദ്യം കുവൈത്തില് വിന്യസിക്കപ്പെട്ട അമേരിക്കന് സൈനികര്ക്കും കുടുംബങ്ങള്ക്കും നേരെ സമൂഹ മാധ്യമങ്ങള് വഴി ഭീഷണി സന്ദേശങ്ങള് ലഭിക്കുന്നതായി അമേരിക്കന് ഫോക്സ് ന്യൂസ് ചാനലിെന്റ വെബ്സൈറ്റ് റിപ്പോര്ട്ട് ചെയ്തിരുന്നു. മേഖലയില്നിന്ന് പെട്ടെന്ന് ഒഴിഞ്ഞുപോകാന് ആവശ്യപ്പെട്ടാണ് ഭീഷണി.