July 11, 2020
July 11, 2020
കുവൈത്ത് സിറ്റി : കുവൈത്തിൽ കഴിഞ്ഞ 24 മണിക്കൂറിനിടെ 478 പേർക്ക് കൂടി പുതുതായി കോവിഡ് സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് ബാധിതരുടെ എണ്ണം 54,058 ആയി. ഇന്ന് മൂന്നു പേർ കൂടി മരണപ്പെട്ടതോടെ മരണസംഖ്യ 386 ആയി.
747 പേരാണ് പുതുതായി രോഗമുക്തി നേടിയത്. രാജ്യത്ത് ഇതുവരെ 43,961 പേരാണ് സുഖം പ്രാപിച്ചത്. നിലവിൽ 9711 പേരാണ് കോവിഡ് പോസറ്റിവ് ആയി തുടരുന്നത്. ഇതിൽ 150 പേർ തീവ്രപരിചരണ വിഭാഗത്തിലാണ്.
പുതുതായി രോഗം സ്ഥിരീകരിച്ചവരിൽ 310 പേർ സ്വദേശികളാണ്. 168 വിദേശികളും പുതുതായി രോഗം സ്ഥിരീകരിച്ചവരിൽ ഉൾപെടും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
