December 26, 2019
December 26, 2019
കുവൈത്ത് സിറ്റി : ഇന്ത്യയിലും കിഴക്കൻ തുർക്കിസ്ഥാനിലും മുസ്‍ലിംകൾക്കെതിരെ നടക്കുന്ന വിവേചനം തടയണമെന്നാവശ്യപ്പെട്ട് കുവൈത്ത് പാർലിമെന്റ് അംഗങ്ങൾ. സംയുക്ത പ്രസ്താവനയിലൂടെയാണ് കുവൈത്ത് പാർലിമെന്റ് അംഗങ്ങൾ ഇക്കാര്യം ആവശ്യപ്പെട്ടത്.
27 എംപിമാരാണ് പ്രസ്താവനയിൽ ഒപ്പിട്ടത്. സമീപകാല സംഭവവികാസങ്ങളിൽ ആശങ്ക പ്രകടിപ്പിച്ച എംപിമാർ ഇന്ത്യയിലെ സഹോദരങ്ങളോട് ഐക്യദാർഢ്യം പ്രഖ്യാപിക്കാനും അന്താരാഷ്ട്ര വേദികളിൽ വിഷയം ഉയർത്തിക്കൊണ്ടുവരാനും കുവൈത്ത് ഗവൺമെന്റിനോടും പാർലിമെന്ററി കമ്മിറ്റികളോടും അഭ്യർത്ഥിച്ചു. പൗരത്വ നിയമവുമായി ബന്ധപ്പെട്ട് ഇന്ത്യയിൽ നടക്കുന്ന സംഭവങ്ങളിൽ മുസ്‌ലിം രാജ്യങ്ങളുടെ കൂട്ടായ്മയായ ഓർഗനൈസേഷൻ ഓഫ് ഇസ്‌ലാമിക് കോർപറേഷനും(ഓ.ഐ.സി) നേരത്തെ ആശങ്ക അറിയിച്ചിരുന്നു.
