August 29, 2019
August 29, 2019
കുവൈത്ത് സിറ്റി : കുവൈത്തില്‍ ആശ്രിത വിസക്കുള്ള വേതന പരിധി ഉയർത്തിയതിന് പിന്നാലെ വിദേശികളുടെ 12 വയസ്സിനു മുകളിലുള്ള മക്കള്ക്ക് കുടുംബ വിസ നല്‍കുന്നതിനും വിലക്കേർപ്പെടുത്തുന്നു. താമസ കാര്യ വിഭാഗത്തെ ഉദ്ധരിച്ച്‌ പ്രാദേശിക അറബ്‌ ദിന പത്രമാണ് ഇക്കാര്യം റിപ്പോർട്ട് ചെയ്തത്.
നിലവില്‍ ആണ്‍കുട്ടികള്‍ക്ക്‌ 15 വയസ്സും, അവിവാഹിതരായ പെണ്‍ കുട്ടികള്‍ക്ക്‌ 18 വയസുമായിരുന്നു വിസ ലഭിക്കുന്നതിനുള്ള പ്രായ പരിധി.
എന്നാല്‍ ഇനി മുതല്‍ 12 വയസ്സ് പൂര്‍ത്തിയായ മക്കള്ക്ക് പുതിയതായി കുടുംബ ആശ്രിത വിസ അനുവദിക്കില്ല.
ഇതിനു പുറമെ 7 രാജ്യങ്ങളില്‍ നിന്നുള്ള പൗരന്മാര്‍ക്ക്‌ കുടുംബ വിസ നല്‍കുന്നത്‌ നിര്‍ത്തലാക്കിയതായും പത്രം റിപ്പോര്‍ട്ട്‌ ചെയ്തു..കുടുംബ വിസ ലഭിക്കുന്നതിനുള്ള കുറഞ്ഞ ശമ്ബള പരിധി 450 ദിനാറില്‍ നിന്നും 500 ദിനാറായി ഉയര്‍ത്തിയതിനു തൊട്ടു പിന്നാലെയാണു പുതിയ നിയമം നടപ്പിലാക്കാൻ ആലോചിക്കുന്നത്‌.
