July 02, 2020
July 02, 2020
കുവൈത്ത് സിറ്റി : കോവിഡ് വ്യാപനത്തെ തുടർന്ന് കുവൈത്തിലെ ജലീബ് അല് ശുയൂഖ് , മഹബൂല പ്രദേശങ്ങളില് ഏര്പ്പെടുത്തിയ ലോക്ക് ഡൗണ് പിന്വലിച്ചു. കഴിഞ്ഞ ഏപ്രില് 6 മുതലാണു മഹബൂല , ജലീബ് ശുയൂഖ് പ്രദേശങ്ങളില് ലോക്ക് ഡൗണ് ഏര്പ്പെടുത്തിയത്.ഇന്ന് വൈകീട്ട് പ്രധാനമന്ത്രി ഷെയ്ഖ് സബ അല് ഖാലിദിന്റെ അധ്യക്ഷതയില് ചേർന്ന പ്രത്യേക യോഗത്തിലാണ് ഇത് സംബന്ധമായ തീരുമാനം കൈക്കൊണ്ടത്. കഴിഞ്ഞ 14 ദിവസമായി പുതിയ കോവിഡ് കേസുകളൊന്നും റിപ്പോര്ട്ട് ചെയ്യപ്പെടാത്ത സാഹചര്യത്തിലാണ് മഹബുലയില് ലോക്ഡൌണ് പിന്വലിച്ചത്.
രോഗവ്യാപനം നിയന്ത്രണവിധേയമാകുന്ന സാഹചര്യത്തില് രാജ്യത്തിന്റെ മറ്റ് ഭാഗങ്ങളില് കഴിഞ്ഞ ദിവസം മുതല് ഇളവുകള് പ്രാബല്യത്തില് വന്നിരുന്നു. സലൂണുകള്, ബാര്ബര് ഷോപ്പുകള്, ഹെല്ത്ത് സെന്റര് എന്നിവ ഒഴികെ സ്വകാര്യ സ്ഥാപനങ്ങളുമാണ് 30 ശതമാനം ജീവനക്കാരുമായി പ്രവര്ത്തനം തുടങ്ങിയത് . അഞ്ചുഘട്ടങ്ങളിലായി നിയന്ത്രണങ്ങള് ലഘൂകരിച്ച് സാധാരണ ജീവിതത്തിലേക്ക് മടക്കിക്കൊണ്ടുവരാനാണ് സര്ക്കാര് തീരുമാനം.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക