August 25, 2019
August 25, 2019
കുവൈത്ത് സിറ്റി : ഇന്ത്യൻ എംബസി ഉദ്യോഗസ്ഥർ എന്ന വ്യാജേനെ ഫോണിലൂടെ തട്ടിപ്പ് നടത്തുന്ന സംഘങ്ങൾക്കെതിരെ ജാഗ്രത പാലിക്കണമെന്ന് കുവൈത്തിലെ ഇന്ത്യൻ എംബസി മുന്നറിയിപ്പ്‌ നൽകി. ഇന്ത്യൻ എംബസി യിൽ നിന്നാണെന്ന് പരിചയപ്പെടുത്തി വ്യക്തികളിൽ നിന്നും ബാങ്ക്‌ അക്കൗണ്ട്‌ വിവരങ്ങളും മറ്റും ശേഖരിച്ചാണു സംഘം തട്ടിപ്പ് നടത്തുന്നത്‌. വ്യക്തി വിവരങ്ങൾ പൂർണ്ണമായും മനസ്സിലാക്കിയാണു ഇത്തരം സംഘങ്ങൾ ബന്ധപ്പെടുന്നത്‌. ഇതിനാൽ പലരും തട്ടിപ്പിനു ഇരയാവുന്നു.
ഇന്ത്യൻ എംബസി ഇത്തരത്തിൽ ആരുടെയും വ്യക്തി വിവരങ്ങളോ ബാങ്ക്‌ അക്കൗണ്ട്‌ വിവരങ്ങളോ ശേഖരിക്കുന്നില്ലെന്നും തട്ടിപ്പിനു ഇരയാവുന്നതിൽ ജാഗ്രത പാലിക്കണമെന്നും എംബസി ഇറക്കിയ വാർത്ത കുറിപ്പിൽ വ്യക്തമാക്കി.
ഇസ്മയിൽ മേലടി,കുവൈത്ത്
