June 29, 2020
June 29, 2020
കുവൈത്ത് സിറ്റി: കുവൈത്തില്നിന്ന് ആഗസ്റ്റ് ഒന്നുമുതല് വാണിജ്യ വിമാന സര്വീസുകൾ പുനരാരംഭിക്കും. ആദ്യഘട്ടത്തില് 30 ശതമാനം സര്വീസുകളാണ് പുനരാരംഭിക്കുക. രണ്ടാംഘട്ടത്തില് ഇത് 60 ശതമാനമായി വര്ധിപ്പിക്കും. മൂന്നാംഘട്ടത്തില് പൂര്ണതോതില് പ്രവര്ത്തനം തുടങ്ങും.തിങ്കളാഴ്ച ചേര്ന്ന മന്ത്രിസഭ യോഗത്തിലാണ് ഇക്കാര്യം തീരുമാനിച്ചത്.
മന്ത്രിസഭാ നിര്ദേശങ്ങള്ക്ക് അനുസൃതമായി ആരോഗ്യമാനദണ്ഡങ്ങള് കര്ശനമായി പാലിച്ചായിരിക്കും വാണിജ്യ സര്വീസുകള് പുനരാരംഭിക്കുക. ഇതിനായി ജനറല് ഡയറക്ടറേറ്റ് ഓഫ് സിവില് ഏവിയേഷന് പദ്ധതി തയാറാക്കിയിട്ടുണ്ട്. വന്ദേ ഭാരത് ദൗത്യത്തിെന്റ നാലാംഘട്ടത്തില് കൂടുതൽ വിമാനങ്ങൾ അനുവദിച്ചതിനൊപ്പം വാണിജ്യ വിമാന സർവീസുകൾ കൂടി പുനരാരംഭിക്കുന്നതോടെ കുവെത്തിൽ നിന്ന് തിരിച്ചുപോവാൻ ആഗ്രഹിക്കുന്നവർക്ക് യാത്ര എളുപ്പമാവും.അതേസമയം, തിരിച്ചുവരവ് സംബന്ധിച്ച് അനിശ്ചിതത്വം തുടരുന്നതിനാൽ കുവൈത്തിലെ വിദേശ തൊഴിലാളികളിൽ വലിയൊരു വിഭാഗം ഇപ്പോൾ പോവാൻ ആഗ്രഹിക്കുന്നില്ല.ഇന്ത്യയിൽ രാജ്യാന്തര സർവീസുകൾക്ക് അനുമതി നൽകുന്ന മുറക്കായിരിക്കും ഇന്ത്യയിൽ നിന്നുള്ളവർക്ക് കുവൈത്തിലേക്ക് തിരിച്ചുവരാൻ കഴിയുക.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക