July 11, 2020
July 11, 2020
കുവൈത്ത് സിറ്റി : കുവൈത്തിൽ ഒരു മലയാളിയെ കൂടി താമസ സ്ഥലത്ത് മരിച്ച നിലയിൽ കണ്ടെത്തി. ചങ്ങനാശേരി തൃക്കൊടിത്താനം അമര സ്വദേശി പുല്ലമ്പലവിൽ ബിബിനെ (23)യാണ് കഴിഞ്ഞ ദിവസം മംഗഫിലെ താമസിക്കുന്ന കെട്ടിടത്തില് മരിച്ച നിലയില് കണ്ടെത്തിയത്.
സ്വകാര്യ കമ്പനിയിൽ ജീവനക്കാരനായിരുന്നു.തൃക്കൊടിത്താനം പുല്ലമ്പലവിൽ ബിനുകുമാര് ,മിനി എന്നിവരുടെ മകനാണ്. അവിവിവാഹിതനാണു. അസ്വാഭാവിക മരണത്തിനു പോലീസ് കേസെടുത്തു. മൃതദേഹം ഫോറന്സിക് പരിശോധനക്കായി കൊണ്ടു പോയി.
നാലു ദിവസം മുമ്പ് കോഴിക്കോട് മുക്കം സ്വദേശി കൊടിയങ്ങല് ജയരാജ (58) നെ താമസ സ്ഥലത്ത് തൂങ്ങിമരിച്ച നിലയിൽ കണ്ടെത്തിയിരുന്നു.കോഴിക്കോട് തുറയൂർ അട്ടക്കുണ്ട് സ്വദേശി കണ്ടിയിൽ സുരേഷ് ബാബുവിനെ(45) മെയ് 29 നാണ് കുവൈത്ത് സിറ്റിക്കടുത്തുള്ള ജോലി സ്ഥലത്തെ ശുചിമുറിയിൽ തൂങ്ങിമരിച്ച നിലയിൽ കണ്ടെത്തിയത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക