December 08, 2020
December 08, 2020
കുവൈത്ത് സിറ്റി: കുവൈത്തിലെ ജാബിരിയയിൽ സ്വദേശി വീട്ടിലുണ്ടായ തീപിടിത്തത്തില് 10 പേര്ക്ക് പൊള്ളലേറ്റു. ഗുരുതരാവസ്ഥയിലുള്ള ഒരാളെ മുബാറക് അല് കബീര് ആശുപത്രിയില് പ്രവേശിപ്പിച്ചിട്ടുണ്ട്.
വീടിന്റെ ഒന്നാം നിലയില് നിന്നാണ് തീ പടര്ന്നത്. ആഭ്യന്തര മന്ത്രാലയത്തിന്റെ ഓപ്പറേഷൻ റൂമിൽ വിവരം ലഭിക്കുമ്പോഴേക്കും തീ മറ്റു നിലകളിലേക്കും പടര്ന്നിരുന്നു. തീപിടിത്ത കാരണം സംബന്ധിച്ച് അധികൃതര് അന്വേഷണം ആരംഭിച്ചു.
. ഹവല്ലി, സാല്മിയ എന്നിവിടങ്ങളില്നിന്നുള്ള അഗ്നിശമന ഉദ്യോഗസ്ഥര് രക്ഷാപ്രവര്ത്തനത്തിന് നേതൃത്വം നല്കി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക