August 19, 2019
August 19, 2019
കുവൈത്ത് സിറ്റി: അസുഖം മൂര്‍ച്ഛിച്ച് ചികിത്സയിലായിരുന്ന കുവൈത്ത് അമീര്‍ ശൈഖ് സബാഹ് അല്‍അഹ്മദ് അല്‍ജാബിര്‍ ആല്‍സബാഹ് അപകടനില തരണം ചെയ്തു.
കുവൈത്ത് അമീറിന്റെ കാര്യാലയമാണ് ഇക്കാര്യം അറിയിച്ചത്. അമീരി ദീവാന്‍ കാര്യ സഹമന്ത്രി മുഹമ്മദ് സൈഫുല്ലാ ഷറാറിനെ ഉദ്ധരിച്ച് കുവൈത്ത് വാര്‍ത്താ ഏജന്‍സി 'കുന'യാണ് വാര്‍ത്ത പുറത്തുവിട്ടത്. കഴിഞ്ഞ ദിവസം ആരോഗ്യനില മോശമായതിനെ തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചിരുന്നു.രോഗത്തെ കുറിച്ചുള്ള കൂടുതല്‍ വിവരങ്ങള്‍ വാര്‍ത്താ ഏജന്‍സി പുറത്തുവിട്ടിട്ടില്ല.
