June 21, 2020
June 21, 2020
ദോഹ : കോഴിക്കോട് വളയം കുറുവന്തേരി സ്വദേശിയും ദോഹയിൽ കച്ചവടക്കാരനുമായിരുന്ന ഖത്തരിയവീട്ടിൽ സൂപ്പി(56) നാട്ടിൽ നിര്യാതനായി.മദീന ഖലീഫ നോർത്തിൽ സൺഷൈൻ സൂപ്പർമാർക്കറ്റ് നടത്തിവരികയായിരുന്നു. ശനിയാഴ്ച രാത്രി കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം.
കഴിഞ്ഞ 36 വർഷമായി ദോഹയിൽ പ്രവാസ ജീവിതം നയിക്കുകയായിരുന്നു. ആറു മാസങ്ങൾക്ക് മുമ്പ് അവധിയിൽ നാട്ടിലേക്ക് പോയതായിരുന്നു. ലോക് ഡൗണിൽ നാട്ടിൽ കുടുങ്ങിയതിനാൽ തിരിച്ചുവരാൻ കഴിഞ്ഞിരുന്നില്ല.
ജമീലയാണ് ഭാര്യ. മക്കൾ : റസാഖ്, റാഫി,റാസിഖ്,ഫാത്തിമ റജ(എല്ലാവരും നാട്ടിൽ).മൃതദേഹം ഇന്ന് വൈകീട്ടോടെ കുറ്റിക്കാട്ടിൽ ജുമാ മസ്ജിദ് ഖബറിസ്ഥാനിൽ ഖബറടക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
